പഴയങ്ങാടി (കണ്ണൂര്): ഭക്തിയുടെ നിറവില് ചെറുകുന്ന് തെക്കുമ്പാട് കൂലോം താഴേക്കാവ് ഭഗവതി ക്ഷേത്രത്തില് സ്ത്രീ തെയ്യമായ ദേവക്കൂത്ത് കെട്ടിയാടി. ആയിരങ്ങളാണ് ദേവക്കൂത്ത് കാണാന് ക്ഷേത്രസന്നിധിയില് എത്തിച്ചേര്ന്നത്.
സ്ത്രീ തെയ്യക്കോലങ്ങള് സ്ത്രീകള് തന്നെ കെട്ടിയാടുന്നതാണ് ദേവക്കൂത്ത്. കേരളത്തില് മാട്ടൂല് തെക്കുമ്പാട് കൂലോം തായക്കാവ് ക്ഷേത്രമാണ് ദേവക്കൂത്ത് കെട്ടിയാടുന്ന ഏക സ്ഥലം. ഇന്നലെ രാവിലെ നടന്ന ദേവക്കൂത്ത് കാണാന് നൂറുകണക്കിന് ഭക്തജനങ്ങളാണ് ക്ഷേത്രത്തില് എത്തിയത്. മാടായിലെ അംബുജാക്ഷി ദേവക്കൂത്ത് കെട്ടി.
2012 മുതലാണ് അംബുജാക്ഷി ദേവക്കൂത്ത് കെട്ടിയാടാന് തുടങ്ങിയത്. നാരദ വേഷം കെട്ടിയത് ബന്ധുവായ കെ.പി. അമല് സുരേഷാണ്. അഞ്ചാം തവണയാണ് നാരദവേഷം കെട്ടുന്നത്. ദേവലോകത്തു നിന്ന് പൂ പറിക്കാന് വന്ന ദേവസ്ത്രീകളിലൊരാള് കാട്ടില് ഒറ്റപ്പെട്ടുപോയി. ഈ ദേവതയെ പിന്നീട് നാരദ മഹര്ഷി ദേവലോകത്ത് തിരിച്ചെത്തിക്കുന്നതാണ് ദേവക്കൂത്തിന്റെ ഐതിഹ്യം. 41 ദിവസത്തെ വ്രത വിശുദ്ധിയോടെയാണ് ദേവക്കൂത്ത് കെട്ടിയാടിയത്. കളിയാട്ടത്തിന്റെ ഭാഗമായി അന്നദാനവും നടന്നു.
