രജൗരിയിലെ ഭീകരാക്രമണം; പരിക്കേറ്റ ധീര ജവാന് വീരമൃത്യു

ശ്രീനഗർ: ജമ്മു കശ്മീർ രജൗരി മേഖലയിലെ ഭീകരാക്രമണത്തിൽ പരിക്കേറ്റ സൈനികന് വീരമൃത്യു. ഇതുവരെ നാല് സൈനികരാണ് വീരമൃത്യു വരിച്ചത്. മേഖലയിൽ ഭീകര സാന്നിധ്യം തിരിച്ചറിഞ്ഞതിനെ തുടർന്ന് സൈന്യം പ്രദേശത്ത് തിരച്ചിൽ നടത്തിയിരുന്നു. ഇതിനിടെയാണ് സൈനിക വാഹനത്തിന് നേരെ ഭീകരർ ആക്രമണം നടത്തിയത്.

പരിക്കേറ്റ രണ്ട് സൈനികർ ചികിത്സയിലാണ്. പ്രദേശത്ത് ഭീകരരെ ലക്ഷ്യം വച്ചുകൊണ്ടുള്ള നീക്കങ്ങൾ പുരോഗമിക്കുകയാണ്. സൈനിക വാഹനം ആക്രമിച്ചതിന് പിന്നാലെ ഭീകരർ വനമേഖലയിലേക്ക് കടന്നുവെന്നാണ് വിവരം.