ബോളിവുഡ് നടനായി ഉദിച്ചുയരുകയും പിന്നീട് ആത്മഹത്യയിലൂടെ എരിഞ്ഞമരുകയും ചെയ്ത നടനാണ് സുശാന്ത് സിങ്ങ് രജ് പുത്. ഇദ്ദേഹത്തിന്റെ മാനേജരായ ദിഷ സാലിയാന് എന്ന പെണ്കുട്ടിയുടെ മരണത്തില് ഉദ്ധവ് താക്കറെയുടെ മകന് ആദിത്യ താക്കറേ ജയിലില് പോകുമെന്ന് മഹാരാഷ്ട്രയിലെ ബിജെപി നേതാവ് നാരായണ് റാണെ.
ഞാന് ഇത് നേരത്തെ പറഞ്ഞതാണ്. സുശാന്ത് സിങ്ങും ദിഷ സാലിയാനും കൊലചെയ്യപ്പെട്ടതാണ്. പക്ഷെ അന്ന് അവരുടെ (ഉദ്ധവ് താക്കറെയുടെ) സര്ക്കാരായിരുന്നു. അതുകൊണ്ട് അവര് ആ കൊലപാതകത്തെ ഇല്ലാതാക്കി.”- നാരായണ് റാണെ പറഞ്ഞു.
“ഞാന് അന്ന് പറഞ്ഞിരുന്നു, ദിഷ സാലിയാന്റെ കൊലപാതകത്തില് ഒരു മന്ത്രിക്ക് പങ്കുണ്ട്. അന്ന് അന്വേഷണം നടത്തില്ല. ഇപ്പോള് അന്വേഷണം നടന്നുവരികയാണ്. സത്യം പുറത്തുവരും. ആദിത്യ താക്കറെ തീര്ച്ചയായും ജയിലില് പോകും”. – നാരായണ് റാണെ പറഞ്ഞു.
