കൊല്ലം: കടയ്ക്കലിൽ നവകേരള സദസ്സിന്റെ വാഹനം തടയാൻ വെല്ലുവിളിച്ച് മുഖ്യമന്ത്രിയുടെ എസ്കോർട്ട് സംഘത്തിലെ പോലീസുകാരൻ. ഫേസ്ബുക്കിലൂടെയാണ് പോലീസുകാരനായ ഗോപീകൃഷ്ണൻ എം.എസ് വെല്ലുവിളി നടത്തിയത്. കുമ്മിൽ ഷമീർ എന്ന യൂത്ത് കോൺഗ്രസ് പ്രവർത്തകന്റെ ഫേസ്ബുക്ക് പോസ്റ്റിനടിയിൽ കമന്റ് ആയാണ് ഇയാളുടെ വെല്ലുവിളി.
കടയ്ക്കൽ എത്തിയാൽ കാണാമെന്നായിരുന്നു ഗോപീകൃഷ്ണന്റെ കമൻ്റ്. വിവാദമായതിന് പിന്നാലെ ഇയാൾ കമന്റ് ഡിലീറ്റ് ചെയ്തു. കടയ്ക്കൽ സ്വദേശിയാണ് ഇയാൾ. അതേസമയം ആലപ്പുഴയിൽ കരിങ്കൊടി പ്രതിഷേധം നടത്തിയവരെ മുഖ്യമന്ത്രിയുടെ ഗൺമാൻ മർദ്ദിച്ച സംഭവത്തിനെതിരെ യൂത്ത് കോൺഗ്രസ് പ്രതിഷേധം നടത്തി. മർദ്ദിച്ച ഉദ്യോഗസ്ഥൻ സന്ദീപിന്റെ വീടിന് മുന്നിലാണ് യൂത്ത് കോൺഗ്രസ് പ്രതിഷേധിച്ചത്.
ബാരിക്കേഡ് മറച്ചിടാന് ശ്രമിച്ചതോടെ പോലീസുകാരും യൂത്ത് കോണ്ഗ്രസ് പ്രവർത്തകരും തമ്മിൽ ഉന്തും തള്ളുമുണ്ടായി.
