മെട്രോ ട്രെയിനിന്റെ വാതിലിൽ വസ്ത്രം കുടുങ്ങി; ദൽഹിയിൽ യുവതിക്ക് ദാരുണാന്ത്യം

ന്യൂദൽഹി: ദൽഹിയിൽ മെട്രോ ട്രെയിനിന്റെ വാതിലിൽ സാരി കുടുങ്ങി യുവതിക്ക് ദാരുണാന്ത്യം. 35-വയസ് പ്രായമുള്ള റീന എന്ന യുവതിയാണ് മരിച്ചത്. ദൽഹി ഇന്ദർലോക് സ്‌റ്റേഷനിലായിരുന്നു സംഭവം. വ്യാഴാഴ്ചയാണ് അപകടം നടന്നത്.

മെട്രോയുടെ വാതിലിൽ സാരിയുടെ ഒരു ഭാഗം കുടുങ്ങി. തുടർന്ന് യുവതി താഴെ വീണ് ഗുരുതരമായി പരിക്കേറ്റിരുന്നു. തുടർന്ന് ആശുപത്രിയിൽ പ്രവേശിപ്പിച്ചെങ്കിലും ചികിത്സയിലിരിക്കെ ശനിയാഴ്ചയാണ് റീന മരിച്ചത്.

എന്നാൽ അപകടം നടന്നത് ട്രെയിനിലേക്ക് കയറിയപ്പോഴാണ് ഇറങ്ങിയപ്പോഴാണോ അപകടമെന്നത് വ്യക്തമല്ലെന്ന് അധികൃതർ പറഞ്ഞു. ദൽഹിയിലെ നംഗ്ലോയിൽ നിന്ന് മോഹൻ നഗറിലേക്ക് പോകവെയാണ് അപകടം നടന്നത്.