തിരുവനന്തപുരം: 1971 ലെ യുദ്ധത്തില് പാകിസ്ഥാനെതിരെ രാജ്യം നേടിയ വിജയത്തിന്റെ സൂചകമായി ഇന്നലെ പാങ്ങോട് സൈനിക കേന്ദ്രത്തില് വിജയ് ദിവസ് ആചരിച്ചു.
പാങ്ങോട് മിലിട്ടറി സ്റ്റേഷന് കമാന്ഡര് ബ്രിഗേഡിയര് സലില് എം.പി. യുദ്ധസ്മാരകത്തില് പുഷ്പചക്രം സമര്പ്പിക്കുകയും ആദരാഞ്ജലികള് അര്പ്പിക്കുകയും ചെയ്തു. മുതിര്ന്ന വിരമിച്ച സൈനിക ഉദേ്യാഗസ്ഥനായ ലഫ.് ജനറല് തോമസ് മാത്യു, പാങ്ങോട് മിലിട്ടറി സ്റ്റേഷനിലെ വിവിധ റെജിമെന്റുകളിലെ കമാന്ഡിംഗ് ഓഫീസര്മാര്, മറ്റ് ഉദേ്യാഗസ്ഥര്, വിമുക്തഭടന്മാര്, സൈനികര് എന്നിവര് യുദ്ധസ്മാരകത്തില് ആദരാഞ്ജലികള് അര്പ്പിച്ചു. രക്തസാക്ഷികളെ വന്ദിച്ച് രണ്ട് മിനിറ്റ് മൗനം ആചരിക്കുകയും, വീരമൃത്യു വരിച്ച സൈനികരോടുള്ള ആദരസൂചകമായി ആര്മി ബാന്ഡ് ‘ലാസ്റ്റ് പോസ്റ്റ്’ വായിക്കുകയും ചെയ്തു.
ലഫ്. ജനറല് എ.കെ. നിയാസിയുടെ നേതൃത്വത്തില് 90000 ത്തിലധികം പാകിസ്ഥാന് സൈനികര് ബംഗ്ലാദേശിന്റെ തലസ്ഥാനമായ ധാക്കയില് അന്നത്തെ ഈസ്റ്റേണ് കമാന്ഡ് ജനറല് ഓഫിസര് കമാണ്ടിംഗ് ഇന് ചീഫ് ആയിരുന്ന ലഫ്. ജനറല് ജെ.എസ്. അറോറയുടെ നേതൃത്വത്തിലുള്ള ഇന്ത്യന് സൈന്യത്തിന് മുന്നില് നിരുപാധികം കീഴടങ്ങിയ ദിവസമാണ് വിജയ് ദിവസ് ആയി ആചരിക്കുന്നത്.
