തിരുവനന്തപുരം: കേരള രാജ്യാന്തര ചലച്ചിത്രമേളയില്‍ മികച്ച ചിത്രത്തിനുള്ള സുവര്‍ണ ചകോരം ജാപ്പനീസ് ചിത്രം ഈവിള്‍ ഡസ് നോട്ട് എക്‌സിസ്റ്റിന് .റ്യൂസുകി ഹമാഗുച്ചിയാണ് ആണ് സംവിധായകന്‍.
മികച്ച നവാഗത സംവിധായകനുള്ള രജതചകോരം ഫാസില്‍ റസാഖിന് . മികച്ച മലയാള ചിത്രത്തിനുള്ള നെറ്റ്പാക്ക് പുരസ്‌കാരം ആട്ടത്തിനാണ്.പ്രേക്ഷക പ്രീതിക്കുളള പുരസ്‌കാരം മലയാള ചിത്രം തടവിനാണ്.
മികച്ച ഇന്ത്യന്‍ നവാഗത സംവിധായകനുള്ള പുരസ്‌കാരം നേടിയത് ഉത്തം കമാട്ടിയാണ്. മികച്ച ഏഷ്യന്‍ ചിത്രത്തിനുള്ള നെറ്റ്പാക്ക് പുരസ്‌കാരം സണ്‍ഡേ നേടി.
ആജീവനാന്ത നേട്ടത്തിനുളള പുരസ്‌കാരം പോളിഷ് സംവിധായകന്‍ ക്രിസ്റ്റഫര്‍ സനൂസിക്കാണ്.
സമാപന ചടങ്ങില്‍ ചലച്ചിത്ര അക്കാദമി ചെയര്‍മാന്‍ രഞ്ജിത്തിന് കൂവല്‍ നേരിടേണ്ടി വന്നു.പങ്കെടുക്കുന്നവരുടെ പേര് പറഞ്ഞപ്പോഴാണ് കൂവലുണ്ടായത്. കഴിഞ്ഞ വര്‍ഷവും രഞ്ജിത്തിന് കൂവല്‍ ഏറ്റുവാങ്ങേണ്ടി വന്നിരുന്നു.
പ്രതികരിക്കാൻ ഇവിടെ എഴുതുക: