വനിതാ ടെസ്റ്റ് : ഇന്ത്യ ശക്തമായ നിലയില്‍

മുംബയ്: ഇംഗ്ലണ്ടിന് എതിരായ ടെസ്റ്റില്‍ ഇന്ത്യന്‍ വനിതകള്‍ മികച്ച നിലയില്‍. രണ്ടാം ദിനം നിര്‍ത്തുമ്പോള്‍ ഇന്ത്യക്ക് 478 റണ്‍സ് ലീഡുണ്ട്.

രണ്ടാം ഇന്നിംഗ്‌സ് ബാറ്റിംഗ് തുടങ്ങിയ ഇന്ത്യ ആറ് വിക്കറ്റ് നഷ്ടത്തില്‍ 186 റണ്‍സെടുത്തിട്ടുണ്ട്.67 പന്തില്‍ നിന്ന് 44 റണ്‍സെടുത്ത് ഹര്‍മന്‍പ്രീതും 17 റണ്‍സുമായി പൂജയുമാണ് ക്രീസില്‍. 33 റണ്‍സ് എടുത്ത ഷഫാലി, 26 റണ്‍സ് എടുത്ത സ്മൃതി, 27 റണ്‍സ് എടുത്ത ജമീമ, 20 റണ്‍ എടുത്ത ദീപ്തി എന്നിവര്‍ പുറത്തായി. ഇംഗ്ലണ്ടിനായി കാര്‍ലറ്റ് ഡീന്‍ നാലു വിക്കറ്റെടുത്തു.

ആദ്യ ഇന്നിംഗ്‌സില്‍ ഇംഗ്ലണ്ട് 163റണ്‍സിന് പുറത്തായി. ഇന്ത്യക്ക് വേണ്ടി ദീപ്തി ശര്‍മ്മ 5 വിക്കറ്റ് വീഴ്‌ത്തി.സ്‌നേഹ റാണ 2 വിക്കറ്റും രേണുക, പൂജ എന്നിവര്‍ ഒരോ വിക്കറ്റ് വീതവും നേടി. ആദ്യ ഇന്നിംഗ്‌സില്‍ 428 റണ്‍സ് നേടിയ ഇന്ത്യ ഇതോടെ 292 റണ്‍സിന്റെ ലീഡ് നേടി. ഇംഗ്ലണ്ടിനെ ഫോളോഓണ്‍ ചെയ്യിക്കാമായിരിന്നുവെങ്കിലും വീണ്ടും ബാറ്റു ചെയ്യാന്‍ ആണ് ഇന്ത്യ തീരുമാനിച്ചത്.

ഇംഗ്ലണ്ടിനായി 59 റണ്‍സ് എടുത്ത നാറ്റ് സ്‌കിവിയര്‍ ബ്രണ്ടിന് മാത്രമെ തിളങ്ങാനായുളളൂ.