അയോധ്യ: ശ്രീരാമജന്മഭൂമി തീര്ത്ഥ ക്ഷേത്രത്തിലെ പ്രാണപ്രതിഷ്ഠയ്ക്ക് മുന്നോടിയായി രാമഭക്തര്ക്ക് കേന്ദ്രസര്ക്കാരിന്റെ സമ്മാനം. ജനുവരി 10 മുതല് ദല്ഹിയില് നിന്ന് എല്ലാ ദിവസവും അയോധ്യയിലേക്ക് ഇന്ഡിഗോ വിമാനങ്ങള് സര്വീസ് നടത്തും.
25ന് അടല്ജി ജന്മദിനത്തില് പ്രധാനമന്ത്രി നരേന്ദ്ര മോദിയാണ് അയോധ്യ ശ്രീറാം അന്താരാഷ്ട്ര വിമാനത്താവളം ഉദ്ഘാടനം ചെയ്യുന്നത്. ആദ്യ വിമാനം ഡിസംബര് 30ന് ഇറങ്ങും, പുതുവര്ഷത്തില് ദല്ഹിയില് നിന്ന് അയോധ്യയിലേക്കുള്ള നേരിട്ടുള്ള വിമാനം ജനുവരി ആറിന് ആരംഭിക്കും.
ദല്ഹി, അഹമ്മദാബാദ് എന്നിവിടങ്ങളിലേക്കുള്ള വിമാനങ്ങള് അയോധ്യയില് നിന്ന് ആരംഭിക്കും. ജനുവരി ആറിന് രാവിലെ 11.55നാണ് ദല്ഹിയില് നിന്ന് വിമാനം പുറപ്പെടുക. ദല്ഹി-അയോധ്യ സര്വീസിനുള്ള എല്ലാ ലൈസന്സിങ് നടപടികളും ഇന്ഡിഗോ കമ്പനി പൂര്ത്തിയാക്കിയിട്ടുണ്ട്.
