തിരുവനന്തപുരം: നവകേരള സദസിനിടെ മുഖ്യമന്ത്രിയും മന്ത്രിമാരും സഞ്ചരിച്ച ബസിന് നേരെ ഷൂ എറിഞ്ഞ കേസിലെ പ്രതിക്കെതിരെ കേരള രാജ്യാന്തര ചലച്ചിത്ര മേള വേദിയില് പ്രതിഷേധം. ഐഎഫ്എഫ്കെ വേദിയിലെത്തിയ ബേസില് പാറേക്കുടിയെ ഡിവൈഎഫ്ഐ പ്രവര്ത്തകര് വളഞ്ഞ് കയ്യേറ്റം ചെയ്യാന് ശ്രമിച്ചു. പൊലീസ് എത്തി ബേസില് പാറേക്കുടിയെ പൊലീസ് വാഹനത്തില് കൊണ്ടുപോയതോടെയാണ് സംഘര്ഷം ഒഴിവായത്.
രണ്ടുദിവസം മുമ്പ് പെരുമ്പാവൂര് ഓടക്കാലിയില് വച്ചായിരുന്നു കെഎസ്യു പ്രവര്ത്തകരുടെ ഷൂ എറിഞ്ഞുള്ള പ്രതിഷേധം. പെരുമ്പാവൂരില് നിന്ന് കോതമംഗലത്തേക്കുള്ള യാത്രയിലാണ്
സംഭവമുണ്ടായത്.
തുടര്ന്ന് യൂത്ത് കോണ്ഗ്രസ് , കെഎസ്യു പതാകകള് ഡിവൈഎഫ്ഐക്കാര് പിടിച്ചുവാങ്ങി കത്തിച്ചു. സംഭവത്തില് നാല് കെഎസ്യു പ്രവര്ത്തകരെ പൊലീസ് അറസ്റ്റ് ചെയ്തു..
