തിരുവനന്തപുരം: എസ് എഫ് ഐക്കാര്ക്കും ഡി വൈ എഫ് ഐക്കാര്ക്കും പൗരബോധമില്ലെന്ന് നടനും ബിജെപി സംസ്ഥാന ഉപാധ്യക്ഷനുമായ ദേവന്. ബിജെപി സംസ്ഥാന ഉപാദ്ധ്യക്ഷനായി തിരഞ്ഞെടുക്കപ്പെട്ട ശേഷം മാദ്ധ്യമങ്ങളോട് പ്രതികരിക്കുകയായിരുന്നു അദ്ദേഹം.
ഗവര്ണറെ എസ് എഫ് ഐക്കാര് തടയാന് ശ്രമിച്ചതിനെ കുറിച്ച് പ്രതികരിക്കുകയായിരുന്നു ദേവന്.കേരളത്തിന്റെ സംസ്കാരത്തിന് യോജിക്കാത്തതാണ് എസ് എഫ് ഐക്കാക്കാരുടെ ചെയ്തികള്.
സുരേഷ് ഗോപി തൃശൂരില് ജയിക്കുമെന്നാണ് പ്രതീക്ഷിക്കുന്നതെന്നും ദേവന് പറഞ്ഞു.കേരള പീപ്പിള്സ് പാര്ട്ടി എന്ന സ്വന്തം പാര്ട്ടിയെ ലയിപ്പിച്ചാണ് ദേവന് ബിജെപിയിലെത്തിയത്. ബിജെപി അധ്യക്ഷന് കെ.സുരേന്ദ്രന് നയിച്ച വിജയ് യാത്രയുടെ സമാപനവേദിയില് വച്ചായിരുന്നു താരം ബിജെപിയില് ചേര്ന്നത്.കേന്ദ്ര അഭ്യന്തര മന്ത്രി അമിത്ഷായാണ് ദേവനെ ബിജെപിയിലേക്ക് സ്വീകരിച്ചത്.
