ഫ്‌ളോറിഡ: വനിതാ ടെന്നിസിലെ ലോക ഒന്നാം നമ്പര്‍ താരം ഇഗ സ്വിയാറ്റെക് തുടര്‍ച്ചയായ രണ്ടാം വര്‍ഷവും ഡബ്ലിയുടിഎ പ്ലെയര്‍ ഓഫ് ദി ഇയര്‍ പുരസ്‌കാരത്തിന് അര്‍ഹയായി. വനിതാ ടെന്നിസിലെ ഇതിഹാസ താരം സെറീന വില്ല്യംസിന് ശേഷം ആദ്യമായാണ് ഒരു താരം തുടരെയുള്ള വര്‍ഷങ്ങളില്‍ ഈ നേട്ടം കൈവരിക്കുന്നത്. 2012 മുതല്‍ 2015 വരെയുള്ള വര്‍ഷങ്ങളില്‍ തുടര്‍ച്ചയായി അമേരിക്കയുടെ സെറീന വില്ല്യംസ് ഈ പുരസ്‌കാരം നേടിയിരുന്നു. 42കാരിയായ സെറീന കരിയറില്‍ മൊത്തം ഏഴ് തവണ ഈ പുരസ്‌കാരം നേടിയിട്ടുണ്ട്.
കഴിഞ്ഞ സീസണില്‍ ഫ്രഞ്ച് ഓപ്പണ്‍ നേട്ടത്തിലൂടെ കരിയറിലെ നാലാം ഗ്രാന്‍ഡ് സ്‌ലാം കിരീടം നേടിയ ഇഗ സീസണ്‍ അവസാനിപ്പിച്ചത് കരയിറിലെ ആദ്യ ഡബ്ലിയുടിഎ ഫൈനല്‍സ് കിരീടം നേടിക്കൊണ്ടാണ്. ഈ ജയത്തിലൂടെ താരം ഒന്നാം റാങ്ക് അരൈന സബലെങ്കയില്‍ നിന്ന് തിരിച്ചുപിടിക്കുകയും ചെയ്തു.
പ്രതികരിക്കാൻ ഇവിടെ എഴുതുക: