ഇടുക്കി : നവകേരളയാത്രക്കിടെ ഉടുമ്പഞ്ചോലയില് മാധ്യമ പ്രവര്ത്തകനെ കയ്യേറ്റം ചെയ്ത് മുഖ്യമന്ത്രിയുടെ സുരക്ഷാ ഉദ്യോഗസ്ഥന്. മംഗളം ഫോട്ടോഗ്രാഫര് എയ്ഞ്ചല് അടിമാലിയെയാണ് കയ്യേറ്റം ചെയ്തത്.
ഉടുമ്പഞ്ചോല മണ്ഡലത്തിലെ നവകേരള സദസ് വേദിയിലായിരുന്നു സംഭവം.വാഹനത്തില് നിന്നിറങ്ങിയ മുഖ്യമന്ത്രിയെ എം.എം.മണി എം.എല്.എ പൂച്ചെണ്ട് നല്കി സ്വീകരിക്കുന്ന ചിത്രം പകര്ത്തവെയാണ് സംഭവം. പ്രകോപനമേതുമില്ലാതെയാണ് അപ്രതീക്ഷിതമായി സുരക്ഷാ ഉദ്യോഗസ്ഥര് മാധ്യമപ്രവര്ത്തകന്റെ കഴുത്തിന് കയറി പിടിച്ചത്.
മുഖ്യമന്ത്രിയുടെ കണ്മുന്നിലാണ് സംഭവം നടന്നത്.സംഭവത്തില് കേരള പത്രപ്രവര്ത്തക യൂണിയന് ഇടുക്കി ജില്ലാ ഘടകം പ്രതിഷേധിച്ചു. സുരക്ഷാ ഉദ്യോഗസ്ഥനെ മാറ്റി നിര്ത്തി അന്വേഷണം നടത്താന് മുഖ്യമന്ത്രി തയ്യാറാകണമെന്നും മാധ്യമ പ്രവര്ത്തകര്ക്ക് സുരക്ഷിതമായും സ്വതന്ത്രമായും ജോലി ചെയ്യാനുളള അവസരം ഒരുക്കണമെന്നും ഇടുക്കി പ്രസ് ക്ലബ് ഭാരവാഹികള്
ആവശ്യപ്പെട്ടു.
