വയനാട്: വാകേരയിൽ യുവാവിനെ കൊലപ്പെടുത്തിയ കടുവയ്ക്ക് വേണ്ടിയുള്ള തിരച്ചിൽ ഇന്നും തുടരും. പ്രദേശത്ത് സ്ഥാപിച്ചിരിക്കുന്ന വനം വകുപ്പിന്റെ ക്യാമറകളിലെ ദൃശ്യങ്ങളും കാൽപ്പാടുകളും നിരീക്ഷിച്ചാകും ഇന്ന് തിരച്ചിൽ നടക്കുക. ഈ കഴിഞ്ഞ ശനിയാഴ്ചയാണ് പുല്ലരിയാൻ പോയ മൂടക്കൊല്ലി സ്വദേശി പ്രജീഷ് കടുവയുടെ ആക്രമണത്തിൽ കൊല്ലപ്പെട്ടത്.
യുവാവിന്റെ പോസ്സ്റ്റ്മോർട്ടം നടന്ന ശേഷം മൃതദേഹം ഏറ്റുവാങ്ങാതെ മണിക്കൂറുകൾ നീണ്ട പ്രതിഷേധങ്ങൾക്കൊടുവിലാണ് കടുവയെ പിടികൂടുന്നതിനുള്ള ഉത്തരവായത്. മയക്കുവെടി വച്ച് പിടികൂടുന്നതിനുള്ള ശ്രമം പരാജയപ്പെട്ടാൽ കൊല്ലാമെന്നും ഉത്തരവിൽ പറയുന്നു.
