ഭവന്‍സ് മുന്‍ഷി അത്ലറ്റിക്ക് മീറ്റ്: ആദര്‍ശ ജേതാക്കള്‍

കൊച്ചി: രണ്ടു ദിവസമായി നടന്ന ഓള്‍ കേരള ഭവന്‍സ് മുന്‍ഷി അത്ലറ്റിക് മീറ്റില്‍ ആതിഥേയരായ കാക്കനാട് ഭവന്‍സ് ആദര്‍ശ വിദ്യാലയ 204.3 പോയിന്റ് നേടി ഒന്നാമതെത്തി. 152 പോയിന്റ് നേടിയ ഭവന്‍സ് വിദ്യാമന്ദിര്‍ എരുര്‍ സ്‌കൂള്‍ രണ്ടാം സ്ഥാനവും 126 പോയിന്റ് നേടിയ ഭവന്‍സ് വിദ്യാമന്ദിര്‍ പൂച്ചട്ടി സ്‌കൂള്‍ മൂന്നാം സ്ഥാനവും കരസ്ഥമാക്കി.

ഷോട്ട് പുട്ടില്‍ ആണ്‍കുട്ടികളുടെ വിഭാഗത്തില്‍ വെള്ളൂര്‍ ഭവന്‍സ് വിദ്യാമന്ദിറിലെ മാസ്റ്റര്‍ ജൊഹാന്‍ സണ്ണി 8.13 മീറ്ററിലും പെണ്‍കുട്ടികളുടെ വിഭാഗത്തില്‍ എളമക്കര ഭവന്‍സ് വിദ്യാമന്ദിറിലെ ശ്വേത കെ 9.65 മീറ്ററിലും ഷോട്ട്പുട്ട് സബ് ജൂനിയര്‍ പെണ്‍കുട്ടികളുടെ വിഭാഗത്തില്‍ ഭവന്‍സ് വിദ്യാമന്ദിര്‍ ഗിരിനഗറിലെ നിരഞ്ജന രാജ് 8.39 മീറ്ററിലും സീനിയര്‍ വിഭാഗത്തിലെ ആണ്‍കുട്ടികളുടെ ഹൈ ജംപില്‍ ചേവായൂര്‍ ഭവന്‍സ് വിദ്യാമന്ദിറിലെ ദേവക് ഭൂഷണ്‍ 2.02 മീറ്ററിലും സീനിയര്‍ പെണ്‍കുട്ടികളുടെ വിഭാഗത്തില്‍ 800 മീറ്റര്‍ ഓട്ടത്തില്‍ ഭവന്‍സ് ആദര്‍ശ വിദ്യാലയത്തിലെ അക്ഷത 2.56 മിനിറ്റിലും പുതിയ റിക്കാര്‍ഡ് സൃഷ്ടിച്ചു.

വൈകിട്ട് നാലിന് നടന്ന സമാപന സമ്മേളനത്തില്‍ കേരള ബ്ലാസ്റ്റേഴ്സ് സൂപ്പര്‍ ലീഗ് താരം നിഹാല്‍ സുധീഷ് ട്രോഫികള്‍ വിതരണം ചെയ്തു. ഭാരതീയ വിദ്യാഭവന്‍ കൊച്ചി കേന്ദ്രം ഡയറക്ടര്‍ ഇ. രാമന്‍കുട്ടി, അക്കാദമിക് കണ്‍സള്‍ട്ടന്റ് മീന വിശ്വനാഥന്‍, റിസര്‍ച്ച് കോര്‍ഡിനേറ്റര്‍ ജയ ജേക്കബ്, അക്കാദമിക് കോര്‍ഡിനേറ്റര്‍ സുനിത എസ്, വിദ്യാഭ്യാസ ഓഫിസര്‍മാരായ സുകുമാരി, വിജയലക്ഷ്മി, മറ്റ് ഭവന്‍സ് സ്‌കൂളുകളിലെ പ്രിന്‍സിപ്പല്‍മാര്‍, വൈസ് പ്രിന്‍സിപ്പല്‍മാര്‍, ഭവന്‍സ് ആദര്‍ശ വിദ്യാലയ പ്രിന്‍സിപ്പല്‍ കെ സുരേഷ്, വൈസ് പ്രിന്‍സിപ്പല്‍ ജ്യോതി പി. എന്നിവര്‍ പങ്കെടുത്തു.