ന്യൂദല്‍ഹി: കേന്ദ്ര ആരോഗ്യ മന്ത്രാലയം പുറത്തുവിട്ട കണക്കുകള്‍ പ്രകാരം ഇന്ത്യയില്‍ ഞായറാഴ്ച 166 പുതിയ കോവിഡ് 19 കേസുകള്‍ രേഖപ്പെടുത്തിയപ്പോള്‍ ആകെ സജീവമായ കേസുകളുടെ എണ്ണം 895 ആയി. പുതിയ കേസുകളില്‍ ഭൂരിഭാഗവും റിപ്പോര്‍ട്ട് ചെയ്തത് കേരളത്തിലാണ്.
സമീപകാലത്തെ പ്രതിദിന ശരാശരി കേസുകള്‍ ഏകദേശം 100 ആണ്. ഏറ്റവും പുതിയ കേസുകള്‍ ഇന്‍ഫ്‌ലുവന്‍സ പോലുള്ള രോഗങ്ങള്‍ വര്‍ദ്ധിക്കുന്ന ശൈത്യകാലവുമായി ബന്ധപ്പെട്ടിരിക്കുന്നു. കൊവിഡ് ആരംഭിച്ചതിന് ശേഷമുള്ള ഏറ്റവും കുറഞ്ഞ ഒറ്റ ദിവസം പുതിയ കേസുകള്‍ ഈ വര്‍ഷം ജൂലൈയില്‍ 24 ആയിരുന്നു.
മൊത്തത്തില്‍, ഇന്ത്യയിലെ കോവിഡ് 19 എണ്ണം 4.44 കോടിയും മരണസംഖ്യ 5,33,306 ഉം ആണെന്ന് മന്ത്രാലയത്തിന്റെ കണക്കുകള്‍ വ്യക്തമാക്കുന്നു. ഇന്ത്യയിലെ കേസുകളുടെ മരണനിരക്ക് 1.19 ശതമാനമാണ്. മന്ത്രാലയത്തിന്റെ കണക്കനുസരിച്ച് രാജ്യത്ത് ഇതുവരെ 220.67 കോടി ഡോസ് കോവിഡ്19 വാക്‌സിന്‍ നല്‍കിയിട്ടുണ്ട്.
പ്രതികരിക്കാൻ ഇവിടെ എഴുതുക: