കോട്ടയം: പ്രധാനമന്ത്രി നരേന്ദ്ര മോദി അടുത്ത മാസം കേരളത്തിലെത്തും. ജനുവരി ആദ്യവാരമാകും അദ്ദേഹം വരികയെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍ പറഞ്ഞു. ജനുവരി അവസാനം എന്‍ഡിഎ നേതൃത്വത്തില്‍ സംസ്ഥാനത്തെ എല്ലാ ലോക്‌സഭാ മണ്ഡലങ്ങളിലും പദയാത്രയുണ്ട്. ഇതുമായി ബന്ധപ്പെട്ട പരിപാടിയില്‍ പ്രധാനമന്ത്രി പങ്കെടുക്കും.
മോദി സര്‍ക്കാരിന്റെ പദ്ധതികള്‍ ജനങ്ങളിലെത്തിക്കാന്‍ വികസിത് ഭാരത് സങ്കല്പ യാത്രകള്‍ നടത്തുകയാണ്. കേരള സര്‍ക്കാര്‍ ഇതിനോടു മുഖം തിരിക്കുന്നു. ബാങ്കുകളാണ് പദ്ധതി മുന്‍കൈയെടുത്തു നടത്തുന്നത്. സര്‍ക്കാരിന്റെ വികസന വിരുദ്ധ നിലപാട് തുറന്നുകാട്ടാന്‍ പ്രചാരണങ്ങള്‍ സംഘടിപ്പിക്കും.
ഡിസംബര്‍ 13 മുതല്‍ 20 വരെ എല്ലാ പഞ്ചായത്തുകളിലും നേതാക്കള്‍ നേരിട്ടു പര്യടനം നടത്തി വസ്തുതകള്‍ വിശദീകരിക്കും. മോദിയുടെ ക്രിസ്മസ് സന്ദേശം മുഴുവന്‍ വീടുകളിലുമെത്തിക്കാന്‍ എന്‍ഡിഎ നേതൃത്വത്തില്‍ 20 മുതല്‍ 30 വരെ സ്‌നേഹ യാത്രയുണ്ട്.
പ്രതികരിക്കാൻ ഇവിടെ എഴുതുക: