കൊച്ചി: നവകേരള സദസിനിടെ സിപിഎം പ്രവര്ത്തകന് സി പി എം പ്രവര്ത്തകരുടെ തന്നെ ക്രൂരമര്ദ്ദനം. തമ്മനം ഈസ്റ്റ് ബ്രാഞ്ച് കമ്മിറ്റിയംഗം റെയ്സിനെയാണ് എതിര് പാര്ട്ടിക്കാരനെന്ന് കരുതി മര്ദ്ദിച്ചത്. വെള്ളിയാഴ്ച കൊച്ചി മറൈന് ഡ്രൈവില്നടന്ന നവകേരള സദസിനിടെയാണ് സിപിഎം പ്രവര്ത്തകര് റെയ്സിനെ മര്ദ്ദിച്ചത്. ക്രീര മര്ദ്ദനമേറ്റ റെയിസ് പാര്ട്ടി വിടുകയാണെന്ന് അറിയിച്ചു.
നവകേരള സദസിനിടെ ഡെമോക്രാറ്റിക് സ്റ്റുഡന്സ് അസോസിയേഷന് പ്രവര്ത്തകര് പ്രതിഷേധവുമായി ലഘുലേഖകള് വിതരണം ചെയ്യുകയും സി പി എം പ്രവര്ത്തകര് ഇവരെ മര്ദ്ദിക്കുകയും ചെയ്തു. റെയിസും പ്രതിഷേധക്കാരില് ഉള്പ്പെടുന്നയാളെന്ന് കരുതി മര്ദ്ദിക്കുകയായിരുന്നുവെന്നാണ് കരുതുന്നത്.
അന്പതോളം പേര് ചേര്ന്നാണ് മര്ദ്ദിച്ചതെന്ന് റെയ്സ് പറഞ്ഞു.പാര്ട്ടി അംഗമാണെന്നും പാര്ട്ടി പ്രവര്ത്തകനാണെന്നും പറഞ്ഞിട്ടും മര്ദ്ദനം തുടര്ന്നുവെന്ന് റെയ്സ് പറഞ്ഞു.
മുമ്പ് നവകേരള സദസിനെതിരെ പ്രതിഷേധിച്ച യൂത്ത് കോണ്ഗ്രസ്, കെഎസ്യു പ്രവര്ത്തകരെ പല സ്ഥലങ്ങളിലും സിപിഎം, ഡിവൈഎഫ്ഐ പ്രവര്ത്തകര് മര്ദ്ദിച്ച സംഭവങ്ങളുണ്ടായിരുന്നു.
