വ്യാജ മദ്യം നിർമ്മിച്ചു; ഡോക്ടറുൾപ്പെടെ ആറംഗ സംഘം കസ്റ്റഡിയിൽ

തൃശൂർ: പെരിങ്ങോട്ടുകരയിൽ വ്യാജ മദ്യം നിർമ്മിച്ച സംഘം പിടിയിൽ. സംഭവത്തിൽ മദ്യ നിർമ്മാണ കേന്ദ്രത്തിൽ നിന്നും ഇരിങ്ങാലക്കുട സ്വദേശിയും നടനുമായ ഡോക്ടർ അനൂപ് ഉൾപ്പെടെ ആറ് പേർ കസ്റ്റഡിയിൽ. ഇവിടെ നിന്നും 1,200 ലിറ്റർ മദ്യം അധികൃതർ പിടിച്ചെടുത്തു. സ്പിരിറ്റ് എത്തിച്ച് മദ്യം നിർമ്മിക്കുന്ന കേന്ദ്രമാണിതെന്ന് എക്‌സൈസ് ഉദ്യോഗസ്ഥർ വ്യക്തമാക്കി.

ഇരിങ്ങാലക്കുട സ്വദേശി ഡോ.അനൂപ്, കോട്ടയം സ്വദേശികളായ റെജി, റോബിൻ, തൃശൂർ കല്ലൂർ സ്വദേശി സിറിൾ, കൊല്ലം സ്വദേശി മെൽവിൻ, തൃശൂർ ചിറയ്‌ക്കൽ സ്വദേശി പ്രജീഷ് എന്നിവരാണ് കസ്റ്റഡിയിലായിരിക്കുന്നത്. തൃശൂർ എക്‌സൈസ് സംഘമാണ് ഇവരെ പിടികൂടിയത്.