കൊല്ലം: ആറു വയസുകാരിയെ തട്ടിക്കൊണ്ടു കേസിലെ പ്രതികളായ പത്മകുമാറിനെയും ഭാര്യ അനിതാ കുമാരിയെയും മകള് അനുപമയെയും ചോദ്യം ചെയ്യുന്നത് തുടരുന്നു.എന്നാല് പല ചോദ്യങ്ങള്ക്കും കൃത്യമായ മറുപടി നല്കാതെ മൗനം പാലിക്കുകയെന്ന തന്ത്രമാണ് പ്രതികള് പുറത്തെടുത്തിരിക്കുന്നത്.
പ്രത്യേകമിരുത്തിയുള്ള ചോദ്യം ചെയ്യലില് തട്ടിക്കൊണ്ട് പോകലിന് പിന്നില് തങ്ങളല്ലെന്ന നിലപാടിലാണ് പ്രതികള്.എന്നാല് തെളിവുകള് നിരത്തിയപ്പോള് തല കുനിച്ച് മിണ്ടാതിരിക്കുകയാണ് മൂന്ന് പേരുമെന്നാണ് അന്വേഷണ സംഘത്തിലെ ഉദ്യോഗസ്ഥര് പറയുന്നത്.
കൊട്ടാരക്കര മജിസ്ട്രേറ്റ് കോടതി പ്രതികളെ ഏഴ് ദിവസത്തേക്കാണ് അന്വേഷണ സംഘത്തിന്റെ കസ്റ്റഡിയില് വിട്ടത്. പ്രതികളുടെ മൊഴികളും നിലവിലുള്ള തെളിവുകളുമായി ഒത്തുനോക്കിയാണ് ചോദ്യം ചെയ്യല് . തട്ടിക്കൊണ്ടു പോകല് നടന്ന പൂയപ്പള്ളി, കടന്നുപോയ വഴികള്, കുട്ടിയെ ഒളിവില് പാര്പ്പിച്ച ചാത്തന്നൂരിലെ പ്രതികളുടെ വീട് എന്നിവിടങ്ങളില് എത്തിച്ച് തെളിവെടുപ്പ് നടത്തും.
