കൊല്ലം : ഓയൂരില് കുട്ടിയെ തട്ടിക്കൊണ്ടുപോയ ശേഷം ഉപേക്ഷിച്ച കുടുംബം പെണ്കെണിയില് ആള്ക്കാരെ കുടുക്കി പണം തട്ടാനും ശ്രമിച്ചെന്ന് റിപ്പോര്ട്ട. മകള് അനുപമയെ ഉപയോഗിച്ച് പുരുഷന്മാരെ കുടുക്കി പണം തട്ടാനാണ് ശ്രമിച്ചത്.ആരെങ്കിലും വലയില് വീണോ എന്ന് വ്യക്തമല്ല.
ഓയൂരിലെ ആറു വയസുകാരിക്ക് പുറമെ കൂടുതല് കുട്ടികളെ തട്ടിക്കൊണ്ടു പോകാനും ഇവര് ലക്ഷ്യമിട്ടിരുന്നതായി പൊലീസിന് തെളിവുകള് ലഭിച്ചതായാണ് സൂചന.ഒറ്റയ്ക്ക് സഞ്ചരിക്കുന്ന കുട്ടികളുടെ വിവരങ്ങള് ഇവര് നോട്ടുബുക്കുകളില് രേഖപ്പെടുത്തി വച്ചിരുന്നു.ഇതിനായി വലിയ മുന്നൊരുക്കമാണ് നടത്തിയിരുന്നതും.
നേരത്തെ രണ്ട് കുട്ടികളെ തട്ടിക്കൊണ്ട് പോകാന് ശ്രമിച്ചെങ്കിലും സാഹചര്യം അനുകൂലമല്ലാത്തതിനാല് ശ്രമം ഉപേക്ഷിക്കുകയായിരുന്നു. ഇതിന്റെ ദൃശ്യങ്ങള് അന്വേഷണ സംഘത്തിനു ശ്രമിച്ചു.
ഓയൂരില് കുട്ടിയെ തട്ടിക്കൊണ്ടു പോയ കേസില് അന്വേഷണം ക്രൈംബ്രാഞ്ചിന് വിട്ടിരിക്കുകയാണ്. കൊല്ലം ജില്ലാ ക്രൈം ബ്രാഞ്ചിനാണ് അന്വേഷണച്ചുമതല. പുതിയ ആരോപണങ്ങള് ജില്ലാ ക്രൈം ബ്രാഞ്ച് അന്വേഷിക്കും.
