കാക്ക ഹ്രസ്വചിത്ര നായിക ലക്ഷ്മിക അന്തരിച്ചു

കൊച്ചി: ചലച്ചിത്ര നടി ലക്ഷ്മിക സജീവൻ അന്തരിച്ചു. 24 വയസായിരുന്നു. ഷാർജയിലായിരുന്നു ലക്ഷ്മികയുടെ (രേഷ്മ) അന്ത്യം. പള്ളുരുത്തി കച്ചേരിപ്പടി വാഴവേലിൽ വീട്ടിൽ സജീവൻ-ലിമിറ്റ ദമ്പതികളുടെ മകളാണ്.

ഷാർജയിൽ ബാങ്കിൽ ജോലി ചെയ്യുകയായിരുന്നു ലക്ഷ്മിക. കാക്ക എന്ന ഹ്രസ്വചിത്രത്തിലൂടെയാണ് ശ്രദ്ധേയയായത്. യമണ്ടൻ പ്രേമകഥ, പഞ്ചവർണതത്ത, സൗദി വെള്ളക്ക, പുഴയമ്മ, ഉയരേ, ഒരു കുട്ടനാടൻ ബ്ലോഗ്, നിത്യഹരിത നായകൻ എന്നീ ചിത്രങ്ങൾ അഭിനയിച്ചിട്ടുണ്ട്.