കൊച്ചി : കളമശേരി യഹോവ സാക്ഷികളുടെ സമ്മേളനത്തിനിടെ ഉണ്ടായ സ്‌ഫോടനത്തില്‍ ഒരു മരണം കൂടി. ചികിത്സയിലായിരുന്ന തൊടുപുഴ വണ്ടമറ്റം സ്വദേശി ലില്ലി ജോണ്‍ ആണ് മരിച്ചത്. ഇതോടെ സ്‌ഫോടനത്തില്‍ മരിച്ചവരുടെ എണ്ണം എട്ടായി.ലില്ലിയുടെ ഭര്‍ത്താവ് ജോണ്‍ ചികിത്സയിലിരിക്കെ നേരത്തേ മരിച്ചു.
ഒക്ടോബര്‍ 29-ന് രാവിലെയാണ് യഹോവ സാക്ഷികളുടെ സമ്മേളനം നടന്ന സാമ്ര ഇന്റര്‍നാഷണല്‍ കണ്‍വെന്‍ഷന്‍ സെന്ററിലെ ഹാളില്‍ സ്ഫോടനമുണ്ടായത്. ഈ സമയം രണ്ടായിരത്തിലധികം പേര്‍ ഹാളിലുണ്ടായിരുന്നു.
ബോംബ് നിര്‍മ്മിച്ച് സ്ഫോടനം നടത്തിയ ഡൊമിനിക് മാര്‍ട്ടിന്‍ ഉടന്‍ തന്നെ പൊലീസ് സ്റ്റേഷനിലെത്തി കീഴടങ്ങി.ദേശദ്രോഹ നടപടികളാണ് യഹോവ സാക്ഷികള്‍ സ്വീകരിക്കുന്നതെന്നും പലവട്ടം ആവശ്യപ്പെട്ടിട്ടും തിരുത്തിയില്ലെന്നും ഇതിന്റെ പകയിലാണ് സ്ഫോടനം നടത്തിയതെന്നും ഇയാള്‍ വെളിപ്പെടുത്തി.
പ്രതികരിക്കാൻ ഇവിടെ എഴുതുക: