ന്യൂദല്ഹി: നിയമസഭ തെരഞ്ഞെടുപ്പില് വിജയിച്ച ബിജെപിയുടെ പാര്ലമെന്റംഗങ്ങള് രാജിവച്ചു. ബിജെപിയുടെ പത്ത് നേതാക്കളാണ് എംപി സ്ഥാനം രാജിവച്ചത്.
ബിജെപിയുടെ 12 പാര്ലമെന്റംഗങ്ങളാണ് നിയമസഭാ തെരഞ്ഞെടുപ്പില് വിജയിച്ചത്. ഇതില് കേന്ദ്ര മന്ത്രി രേണുക സിംഗ് മഹന്ത് ബാലകാന്ത് എന്നിവരൊഴികെയുളളവര് രാജിവച്ചു. ഇവരും വൈകാതെ രാജിവയ്ക്കും. കേന്ദ്ര മന്ത്രിമാരായ നരേന്ദ്ര സിംഗ് തോമര്, പ്രഹ്ലാദ് സിംഗ് പട്ടേല് എന്നിവര് രാജിവച്ചവരില് ഉള്പ്പെടുന്നു.
ഈ സാഹചര്യത്തില് കേന്ദ്ര മന്ത്രിസഭയില് അഴിച്ചുപണിയുണ്ടാകാനാണ് സാധ്യത. പ്രധാനമന്ത്രി നരേന്ദ്ര മോദിയുടെയും ബിജെപി ദേശീയ അധ്യക്ഷന് ജെപി നദ്ദയുടെയും അധ്യക്തയില് ചേര്ന്ന യോഗത്തിന് പിന്നാലെയാണ് എംപിമാരുടെ രാജി.
മധ്യപ്രദേശില്നിന്നുള്ള രാകേഷ് സിംഗ് ഉദയ് പ്രതാപ്, റിതി പതക്, ഛത്തീസ്ഗഡില്നിന്നുള്ള അരുണ് സഹോ, ഗോമതി സായി, രാജസ്ഥാനില്നിന്നുള്ള രാജ്യവര്ധന് സിംഗ് റാത്തോഡ്, കിരോടി ലാല് മീണ, ദിയ കുമാരി എന്നിവരാണ് രാജിവച്ചത്.
കിരോടി ലാല് മീണ രാജ്യസഭയില്നിന്നുമാണ് രാജിവച്ചത്. മധ്യപ്രദേശ്, ഛത്തീസ്ഗഡ്, രാജസ്ഥാന് സംസ്ഥാനങ്ങളില് മുഖ്യമന്ത്രിമാരെ തെരഞ്ഞെടുക്കുന്ന നടപടികളുമായി ബിജെപി ദേശീയ നേതൃത്വം മുന്നോട്ടുപോകവെയാണ് എംപിമാരുടെ രാജി.
