തൃശൂര്‍: മുഖ്യമന്ത്രി പിണറായി വിജയന്റെ പൈലറ്റ് വാഹനമിടിച്ച് ഇരുചക്രവാഹന യാത്രക്കാരനു പരിക്ക്. നവകേരള സദസ്സിന്റെ ഭാഗമായി മന്ത്രിമാര്‍ സഞ്ചരിച്ചിരുന്ന ബസിന്റെ പൈലറ്റ് വാഹനമാണ് ബൈക്ക് യാത്രക്കാരനെ ഇടിച്ചത്. അത്തിക്കപ്പറമ്പ് പുത്തന്‍വീട്ടില്‍ റഷീദിനാണ് (36) പരുക്കേറ്റത്.
ചേലക്കരയിലെ പരിപാടി കഴിഞ്ഞ് മടങ്ങുന്നതിനിടെ ചെറുതുരുത്തിയില്‍വച്ച് തിങ്കളാഴ്ച വൈകിട്ടാണ് അപകടം. പൈലറ്റ് വാഹനം ഇടിച്ച ബൈക്ക് കുറച്ച് ദൂരം മുന്നോട്ട് പോയശേഷം വീഴുകയായിരുന്നു. പരുക്കേറ്റ യുവാവിനെ ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമല്ല.
നവകേരള സദസ്സിന് പോകുന്ന മുഖ്യമന്ത്രിയുടെ വാഹന വ്യൂഹം പൊതുജനങ്ങള്‍ക്കുണ്ടാക്കുന്ന ഗതാഗത ബുദ്ധിമുട്ട് നവകേരള സദസ്സില്‍ തന്നെ പരാതി പറയേണ്ട അവസ്ഥയാണ് നിലവില്‍.
പ്രതികരിക്കാൻ ഇവിടെ എഴുതുക: