ഭോപ്പാല്: മധ്യപ്രദേശ് നിയമസഭാ തെരഞ്ഞെടുപ്പില് ബിജെപിയുടെ വിജയം പ്രധാനമന്ത്രി നരേന്ദ്രമോദിക്ക് സമര്പ്പിക്കുന്നുവെന്ന് മുഖ്യമന്ത്രി ശിവരാജ് സിംഗ് ചൗഹാന്. പ്രധാനമന്ത്രിയുടെ ഹൃദയത്തില് മധ്യപ്രദേശ് ഉണ്ടെന്നും മധ്യപ്രദേശിന്റെ ഹൃദയത്തില് പ്രധാനമന്ത്രിയുണ്ടെന്നും അദ്ദേഹം പറഞ്ഞു.
പ്രധാനമന്ത്രി മോദി ഇവിടെ പൊതു റാലികള് നടത്തി ജനങ്ങളോട് അഭ്യര്ത്ഥന നടത്തിയത് ജന ഹൃദയത്തെ സ്പര്ശിച്ചു. അതിന്റെ ഫലമാണ് ഈ വിജയമെന്നും ശിവരാജ് സിംഗ് ചൗഹാന് പറഞ്ഞു. കേന്ദ്ര ആഭ്യന്തര മന്ത്രി അമിത് ഷായുടെ മികവുറ്റ തന്ത്രങ്ങളും ഏറെ സഹായിച്ചു. ദേശീയ അധ്യക്ഷന് ജെപി നദ്ദയുടെ നേതൃത്വത്തില് പാര്ട്ടി പ്രവര്ത്തകര് വിശ്രമമില്ലാതെ പ്രവര്ത്തിച്ചതാണ് ഈ വിജയത്തിന്റെ അടിത്തറയെന്നും അദ്ദേഹം കൂട്ടിച്ചേര്ത്തു.
മധ്യപ്രദേശിലെ 230സീറ്റുകളില് 162 സീറ്റുകളില് ബിജെപി മിന്നുന്ന വിജയം നേടി ഭരണത്തുടര്ച്ച നേടി. അതേ സമയം വെറും 66 സീറ്റുകളാണ് കോണ്ഗ്രസിന് നേടാനായത്.
