നീലക്കാറിൽ കുട്ടിയെ എത്തിച്ചത് പത്മകുമാറും ഭാര്യയും; മൂന്ന് പേരുടെയും അറസ്റ്റ് ഉടൻ

കൊല്ലം: ഓയൂരിൽ നിന്ന് ആറ് വയസുകാരിയെ തട്ടിക്കൊണ്ട് പോയ കേസിൽ പ്രതികളുടെ അറസ്റ്റ് ഉടൻ. ചാത്തന്നൂർ സ്വദേശി പത്മകുമാർ, ഭാര്യ അനിത, മകൾ അനുപമ എന്നിവരുടെ അറസ്റ്റ് ഉടൻ രേഖപ്പെടുത്തും.ലോൺ ആപ്പ് മുഖേനയും വായ്പ എടുത്തിരുന്നതായി പത്മകുമാർ മൊഴി നൽകിയിട്ടുണ്ട്.

കുട്ടിയെ ആശ്രമം മൈതാനത്തെത്തിച്ചത് പത്മകുമാറിന്റെ ഭാര്യ അനിതാകുമാരി ആണെന്ന് സ്ഥിരീകരിച്ചു. ചിന്നക്കടയിലൂടെ നീലക്കാറിൽ കുട്ടിയെ എത്തിച്ചത് പത്മകുമാറും ഭാര്യയുമാണ്. ലിങ്ക് റോഡിൽ ഭാര്യയെയും കുട്ടിയെയും ഇറക്കി പത്മകുമാർ ജ്യൂസ് കടയ്‌ക്കടുക്ക് കാത്ത് നിന്നു. ഇവിടെ നിന്നും ഓട്ടോയിലാണ് അനിതയും കുട്ടിയും സഞ്ചരിച്ചത്. കുട്ടിയെ മൈതാനത്തിറക്കിയ ശേഷം ഇവിടെ നിന്നും ഇവർ രക്ഷപ്പെട്ടു.