തിരുവനന്തപുരം: ഇസ്രയേല്‍ അനുകൂല ഉപവാസ സമരത്തില്‍ പങ്കെടുത്ത നടനും ബിജെപി നേതാവുമായ കൃഷ്ണ കുമാറിനെതിരെ പൊലീസ് കേസെടുത്തു. പൊതുജനങ്ങള്‍ക്ക് ബുദ്ധിമുട്ടുണ്ടാക്കി, കാല്‍നടയാത്രക്കാര്‍ക്ക് തടസം സൃഷ്ടിച്ചു തുടങ്ങിയ കുറ്റങ്ങളാണ് ചുമത്തിയിട്ടുളളത്.
പാളയത്ത് സിഇഎഫ്ഐ രൂപതയുടെ നേതൃത്വത്തിലായിരുന്നു ഉപവാസ സമരം. സിഇഎഫ്ഐ രൂപത പ്രസിഡന്റ് ഡോ. മോബിന്‍ മാത്യു കുന്നമ്പള്ളി, കണ്ടാലറിയാവുന്ന അറുപതോളം പ്രവര്‍ത്തകര്‍ എന്നിവര്‍ക്കെതിരെയും കേസെടുത്തു.
എന്നാല്‍ പത്തോളം പൊലീസുകാരുടെ സാന്നിധ്യത്തില്‍ നൂറോളം പേര്‍ മെഴുകുതിരി കത്തിച്ച് പ്രാര്‍ഥിക്കുകയായിരുന്നു. ഈ ചടങ്ങിനെ പൊലീസ് തെറ്റായി വ്യാഖ്യാനിക്കുകയാണൈന്ന് നടന്‍ കൃഷ്ണകുമാര്‍ ആരോപിച്ചു. പരിപാടിയ്‌ക്ക് മുന്‍കൂര്‍ അവനുവാദം വാങ്ങിയിരുന്നുവെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: