ഇറ്റാനഗര്‍: 77-ാമത് സന്തോഷ് ട്രോഫി ചാമ്പ്യന്‍ഷിപ്പില്‍ കേരളം ആതിഥേയരായ അരുണാചല്‍ പ്രദേശിനൊപ്പം ഗ്രൂപ്പ് എയില്‍. ഇന്നലെ നടന്ന ഗ്രൂപ്പ് നിര്‍ണയത്തില്‍ ഫൈനല്‍സിലേക്ക് യോഗ്യത നേടിയ 12 ടീമുകളെ രണ്ട് ഗ്രൂപ്പുകളായി തിരിച്ചു. ഗ്രൂപ്പ് ബിയിലാണ് നിലവിലെ ചാമ്പ്യന്‍മാരായ കര്‍ണാടക ഉള്‍പ്പെട്ടിരിക്കുന്നത്.
വരുന്ന ഫെബ്രുവരി 21 മുതല്‍ മാര്‍ച്ച് 30 വരെ അരുണാചല്‍ പ്രദേശിലാണ് സന്തോഷ് ട്രോഫി ഫൈനല്‍സ് മത്സരങ്ങള്‍. ആതിഥേയരായ അരുണാചലും കഴിഞ്ഞ തവണത്തെ ഫൈനലിസ്റ്റുകളായ കര്‍ണാടകയും മേഘാലയയും നേരിട്ട് യോഗ്യത നേടിയിരുന്നു. ആഴ്‌ച്ചകള്‍ക്ക് മുമ്പ് അവസാനിച്ച യോഗ്യതാ മത്സരത്തില്‍ ആറ് ഗ്രൂപ്പുകളിലെ ഒന്നാം സ്ഥാനക്കാര്‍ യോഗ്യത ഉറപ്പാക്കിയപ്പോള്‍ കേരളം, മിസോറാം, റെയില്വേയ്സ് അടക്കമുള്ള മികച്ച മൂന്ന് രണ്ടാം സ്ഥാനക്കാരും അവസാന നിമിഷം യോഗ്യത ഉറപ്പാക്കി. ഗോവ, ദല്‍ഹി, മണിപ്പൂര്‍, അസം, സര്‍വീസസ്, മഹാരാഷ്‌ട്ര ടീമുകളാണ് യോഗ്യതാ ഗ്രൂപ്പ് ഘട്ടത്തില്‍ ഒന്നാം സ്ഥാനക്കാരായി ഫൈനല്‍സിന് തെരഞ്ഞെടുക്കപ്പെട്ടത്.
സന്തോഷ് ട്രോഫി ഗ്രൂപ്പ് നില
ഗ്രൂപ്പ് എ: അരുണാചല്‍ പ്രദേശ്, മേഘാലയ, ഗോവ, അസം, സര്‍വീസസ്, കേരളം
ഗ്രൂപ്പ് ബി: കര്‍ണാടക, മഹാരാഷ്‌ട്ര, ദല്‍ഹി, മണിപൂര്‍,
മിസോറാം, റെയില്വേയ്സ്
പ്രതികരിക്കാൻ ഇവിടെ എഴുതുക: