കണ്ണൂര്: തമിഴ്നാട് യുവജനക്ഷേമ മന്ത്രി ഉദയനിധി സ്റ്റാലിന് വിവാദമായ തന്റെ പ്രസ്താവന തിരുത്തിപ്പറയുന്നു.
താന് മുമ്പ് നടത്തിയ പ്രസംഗം ചില മാധ്യമങ്ങള് തെറ്റായി പ്രസിദ്ധീകരിക്കുകയായിരുന്നുവെന്ന് ഉദയനിധി വിശദീകരിച്ചു. ആദ്യമായാണ് ഇങ്ങനെയൊരു വിശദീകരണം.
സനാതന ധര്മ്മത്തെ നശിപ്പിക്കുമെന്നായിരുന്നു ഉദയനിധി പറഞ്ഞത്. പത്രവാര്ത്ത ബിജെപി ദേശീയ തലത്തില് വിവാദമാക്കിയെന്നും അദ്ദേഹം പറഞ്ഞു. കണ്ണൂര് സര്വകലാശാല സ്റ്റുഡന്റ്സ് യൂനിയന് ലിറ്ററേച്ചര് ഫെസ്റ്റിവല് സമാപന സമ്മേളനം ഉദ്ഘാടനം ചെയ്യുകയായിരുന്നു ഉദയനിധി.
സാഹിത്യോത്സവത്തില് കക്ഷിരാഷ്ട്രീയ പ്രസംഗമായിരുന്നു ഉദയനിധി നടത്തിയത്. കേന്ദ്ര സര്ക്കാരിനേയും ബിജെപിയേയും വിമര്ശിക്കാനാണ് പ്രസംഗം വിനിയോഗിച്ചത്. യൂണിവേഴ്സിറ്റി യൂണിയന് ചെയര്പേഴ്സന് ടി.പി. അഖില അധ്യക്ഷയായി.
