മുറിയെടുക്കുന്ന ഭക്തർക്ക് നൽകുന്ന രസീതിൽ ക്രമക്കേട്; സാമ്പത്തിക ക്രമക്കേട് നടത്തിയ ദേവസ്വം വാച്ചർ ശബരിമലയിൽ പിടിയിൽ

പത്തനംതിട്ട: സാമ്പത്തിക ക്രമക്കേട് നടത്തിയ ദേവസ്വം വാച്ചർ ശബരിമലയിൽ പിടിയിൽ. ശ്രീമാത അക്കോമഡേഷൻ സെന്ററിലെ കെയർ ടേക്കറായ ശ്രീകാന്ത് എസ്.പി ആണ് പിടിയിലായത്. മുറിയെടുക്കുന്ന ഭക്തരുടെ റെസിപ്റ്റുകളിൽ ഇയാൾ പല തവണയായി ക്രമക്കേട് നടത്തുകയായിരുന്നു.

ഇന്നലെ വിജിലൻസ് നടത്തിയ പരിശോധനയിലാണ് ഇയാൾ പിടിയിലായത്. മുറിയെടുക്കുന്ന തീർത്ഥാടകർക്ക് നൽകുന്ന രസീതിൽ കൂടുതൽ തുകയും ദേവസ്വത്തിന്റെ പക്കൽ സൂക്ഷിക്കുന്ന ഡ്യൂപ്ലിക്കേറ്റ് രജിസ്റ്ററിൽ കുറഞ്ഞ തുകയും രേഖപ്പെടുത്തിയായിരുന്നു ഇയാളുടെ തട്ടിപ്പ്. ഇത്തരത്തിൽ ഏകദേശം 21,590 രൂപയുടെ ക്രമക്കേടുകളാണ് നടത്തിയത്.