കൊല്ലം : കേരളം മുള്‍മുനയില്‍ നിന്ന 21 മണിക്കൂറുകള്‍ക്കാണ് ആറു വയസുകാരി അഭിഗല്‍ സാറയെ കണ്ടെത്തിയതിലൂടെ വിരാമമായത്. ചുരിദാറും മാസ്‌കും ധരിച്ച യുവതി ആശ്രമം മൈതാനത്ത് കുട്ടിയെ ഉപേക്ഷിച്ച് പോവുകയായിരുന്നു.
ഒറ്റയ്‌ക്കിരിക്കുന്ന കുട്ടിയെ കണ്ട് കൊല്ലം എസ് എന്‍ കോളേജിലെ വിദ്യാര്‍ത്ഥിനികളാണ് കുട്ടിയെ തിരിച്ചറിഞ്ഞത്. മാസ്‌ക് വച്ചിരുന്ന കുട്ടി ഏറെ നേരം ഒറ്റയ്‌ക്കിരുന്നത് കണ്ടാണ് വിദ്യാര്‍ഥിനികള്‍ കുട്ടിയെ സമീപിച്ച് അഭിഗേല്‍ സാറ തന്നെയെന്ന് ഉറപ്പിച്ചത്. തുടര്‍ന്ന് വിദ്യാര്‍ത്ഥിനികള്‍ സമീപത്തുണ്ടായിരുന്ന യുവാവിനെ കാര്യം അറിയിക്കുകയും അയാള്‍ പൊലീസിനെ അറിയിക്കുകയുമായിരുന്നു.
അതേസമയം, കുട്ടിയുമായി യുവതി കയറിയ ഓട്ടോ തിരിച്ചറിഞ്ഞു. ലിങ്ക് റോഡില്‍ നിന്നാണ് യുവതി കുഞ്ഞുമായി ഓട്ടോയില്‍ കയറി ആശ്രാമത്ത് ഇറങ്ങിയതെന്നും ആ സമയം കാണാതായ കുഞ്ഞാണ് ഓട്ടോയിലുളളതെന്ന് അറിഞ്ഞിരുന്നില്ലെന്നുമാണ് ഓട്ടോ ഡ്രൈവര്‍ പറഞ്ഞത്.
ചുരിദാര്‍ ധരിച്ചിരുന്ന യുവതി മാസ്‌കും തല ഷാള്‍ കൊണ്ട് മറയ്‌ക്കുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക: