കൊല്ലം: ഓയൂരിൽ ആറ് വയസുകാരിയെ കാണാതായിട്ട് 16 മണിക്കൂറുകൾ പിന്നിടുന്നു. അഭിഗേൽ സാറയ്‌ക്ക് വേണ്ടി സംസ്ഥാനത്ത് വ്യാപക തിരച്ചിൽ തുടരുകയാണ്. ഇതിനിടെ മറ്റൊരു തട്ടിക്കൊണ്ടുപോകൽ ശ്രമം നടന്നതായും വിവരങ്ങൾ പുറത്തു വന്നു. ഓയൂരിൽ നിന്ന് പത്ത് കിലോമീറ്റർ അകലെയാണ് ഇന്നലെ തട്ടിക്കൊണ്ടുപോകൽ ശ്രമം നടന്നത്. തട്ടിക്കൊണ്ട് പോകുന്നതിനായി സൈനികൻ ബിജുവിന്റെ വീട്ടിൽ അജ്ഞാത സംഘം എത്തിയതായാണ് പരാതി.
ബഹളം വെച്ചപ്പോൾ ഇവർ രക്ഷപ്പെടുകയായിരുന്നുവെന്നും വീട്ടമ്മ പറയുന്നു. ഇന്നലെ രാവിലെ 8.30-നായിരുന്നു സംഭവം. മകൾ വീടിന് പുറത്തെത്തിയപ്പോൾ തലയിലൂടെ മുഖം മറച്ച സത്രീയും ഒരു പുരുഷനും വീടിന് പരിസരത്ത് നിൽക്കുന്നതായി കണ്ടു. ആരാണെന്ന് ഉറക്കെ ചോദിച്ചപ്പോൾ അവർ ഓടി പോയെന്നും വീട്ടമ്മ ചിത്ര പറയുന്നു.
ഉടൻ തന്നെ പ്രദേശവാസികളെയും പോലീസിനെയും വിവരം അറിയിച്ചെന്നും വീട്ടമ്മ പറയുന്നു. രണ്ടര വയസുള്ള ഇളയ മകനെ തട്ടിക്കൊണ്ട് പോകുന്നതിനാണ് സംഘമെത്തിയതെന്നും ഇവർ പറയുന്നു.
പ്രതികരിക്കാൻ ഇവിടെ എഴുതുക: