മാഞ്ചസ്റ്റര്‍ യുണൈറ്റഡിന് ജയം

ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ യുണൈറ്റഡിന് വിജയം. മറുപടിയില്ലാത്ത മൂന്ന് ഗോളുകള്‍ക്ക് എവര്‍ട്ടനെ കീഴടക്കി. ലീഗില്‍ മാഞ്ചസ്റ്ററിന്റെ തുടര്‍ച്ചയായ മൂന്നാം വിജയമാണിത്.

യുണൈറ്റഡിനായി മൂന്നാം മിനിറ്റില്‍ അലസാന്‍ഡ്രോ ഗര്‍നാഷോ, 56-ാം മിനിറ്റില്‍ പെനാല്‍റ്റിയിലൂടെ മാര്‍കസ് റാഷ്‌ഫോര്‍ഡ്, 75-ാം മിനിറ്റില്‍ ആന്റണി മാര്‍ഷ്യല്‍ എന്നിവരാണ് യുണൈറ്റഡിനായി വിജയഗോള്‍ നേടിയത്.

കളിയില്‍ പന്തടക്കത്തിലും ഷോട്ടുകള്‍ ഉതിര്‍ക്കുന്നതിലും മുന്‍തൂക്കമായിരുന്നെങ്കിലും സ്‌ട്രൈക്കര്‍മാര്‍ക്ക് പിഴച്ചതോടെയാണ് അവര്‍ തോല്‍വി ഏറ്റുവാങ്ങിയത്. കളിയില്‍ അവര്‍ പായിച്ച 24 ഷോട്ടുകളില്‍ ആറെണ്ണം ഓണ്‍ ടാര്‍ഗറ്റിലേക്കായിരുന്നെങ്കിലും ഒരിക്കല്‍ പോലും യുണൈറ്റഡ് ഗോളി ആന്‍ഡ്രെ ഒനാനയെ കീഴടക്കാനായില്ല. അതേസമയം യുണൈറ്റഡ് താരങ്ങള്‍ ഓണ്‍ ടാര്‍ഗറ്റിലേക്ക് പായിച്ച നാല് ഷോട്ടുകളില്‍ മൂന്നെണ്ണം വലയിലെത്തിക്കാനും കഴിഞ്ഞു.

വിജയത്തോടെ യുണൈറ്റഡ് 13 കളികളില്‍ നിന്ന് 24 പോയിന്റുമായി ആറാം സ്ഥാനത്തേക്കുയര്‍ന്നു.

മറ്റൊരു മത്സരത്തില്‍ ടോട്ടനം ഒന്നിനെതിരെ രണ്ട് ഗോളുകള്‍ക്ക് ആസ്റ്റണ്‍ വില്ലയോട് പരാജയപ്പെട്ടു. ആദ്യം പിന്നിട്ടുനിന്നശേഷമാണ് ടോട്ടനം തോല്‍വി വഴങ്ങിയത്. 22-ാംമിനിറ്റില്‍ ലൊ സെല്‍സോയിലൂടെയാണ് ടോട്ടനം ലീഡ് നേടിയത്. എന്നാല്‍ ആദ്യപകുതിയുടെ പരിക്ക് സമയത്ത് ടോറസും 61-ാം മിനിറ്റില്‍ വാറ്റ്കിന്‍സും ആസ്റ്റണ്‍ വില്ലക്കായി ലക്ഷ്യം കണ്ടതോടെ വിജയം അവര്‍ക്ക് സ്വന്തമായി. 13 കളികളില്‍ നിന്ന് 28 പോയിന്റുമായി ആസ്റ്റണ്‍ വില്ല നാലാം സ്ഥാനത്തേക്കുയര്‍ന്നപ്പോള്‍ 26 പോയിന്റുമായി ടോട്ടനം അഞ്ചാം സ്ഥാനത്തേക്ക് പിന്തള്ളപ്പെട്ടു.