വരുന്ന തിരഞ്ഞെടുപ്പിൽ തൃശൂരിൽ സുരേഷ് ഗോപിക്ക് ജയ സാധ്യത ഉണ്ടെന്ന് കൊല്ലം തുളസി .അദ്ദേഹം തൃശൂരിൽ നിൽക്കുകയാണെങ്കിൽ ഞാൻ ഇലക്ഷൻ പ്രചാരണത്തിനും പോകും. അവിടെ രാഷ്ട്രീയം നോക്കിയല്ല പോകുന്നത്. വ്യക്തി ബന്ധങ്ങൾക്കാണ് പ്രാധാന്യം. കാരണം ഒരാളെങ്കിലും മന്ത്രിയായാൽ കേരളത്തിന് വേണ്ടി ഒരുപാട് കാര്യങ്ങൾ ചെയ്യും, ഒരുപാട് നന്മ വരും..‘സുരേഷ് ഗോപി കേരളത്തിൽ മന്ത്രി ആകേണ്ട സമയം കഴിഞ്ഞു. അദ്ദേഹത്തിന് നല്ലൊരു വില കൊടുക്കാൻ പലരും താല്പര്യപ്പെടുന്നില്ല ഇതാണ് സത്യം .
ഒ രാജഗോപാൽ വന്നപ്പോൾ റെയിൽവേയ്ക്ക് കിട്ടിയ കാര്യങ്ങൾ വളരെ വ്യക്തമാണല്ലോ… അതുപോലെ സുരേഷ്ഗോപി എന്നയാൾ മന്ത്രിയാകുക ആണെങ്കിൽ അത് കേരളത്തിന് ഒരുപാട് ഗുണം ചെയ്യും. അദ്ദേഹത്തിന്റെ പ്രസംഗങ്ങൾ ഒക്കെ പ്രശംസിക്കേണ്ടതാണ്. എല്ലാം ശുദ്ധമനസ്സോടെ പറയുന്നതാണ്. അദ്ദേഹം ചെയ്യുന്ന ചാരിറ്റി പ്രവർത്തനങ്ങളും മറ്റുള്ളവർക്ക് ഒരു പ്രചോദനമാണെന്നും കൊല്ലം തുളസി കൂട്ടിച്ചേർത്തു.
