ബംഗളുരു : വിജയ് ഹസാരെ ട്രോഫിയില് ഒഡീഷയെ തകര്ത്ത് കേരളം. കേരളത്തിന്റെ വിജയം 78 റണ്സിനാണ്. ആളൂരില് നടന്ന മത്സരത്തില് ടോസ് നേടി ആദ്യം ബാറ്റ് ചെയ്ത കേരളം വിഷ്ണു വിനോദിന്റെ (120) കരുത്തില് ഒമ്പത് വിക്കറ്റ് നഷ്ടത്തില് 286 റണ്സാണ് നേടി. മറുപടി ബാറ്റിംഗിനിറങ്ങിയ ഒഡീഷ 43.3 ഓവറില് 208ന് പുറത്തായി.
അഖില് സ്കറിയ (34), അബ്ദുള് ബാസിത് (48) എന്നിവരാണ് മികച്ച ബാറ്റിംഗ് പുറത്തെടുത്ത മറ്റുതാരങ്ങള്. മുഹമ്മദ് അസ്ഹറുദ്ദീന് (12), രോഹന് കുന്നുമ്മല് (17) ക്യാപ്റ്റന് സഞ്ജു സാംസണ് (15) എന്നിവര് വേഗം മടങ്ങി. സച്ചിന് ബേബി (2), ശ്രേയാസ് ഗോപാല് (13) എന്നിവര്ക്കും ക്രീസില് അധികം നേരം തുടരാനായില്ല.തുടരെ വിക്കറ്റ് വീഴുമ്പോഴും ആക്രമിച്ചുകളിച്ച വിഷ്ണു വിനോദ് ആണ് കേരളത്തെ കനത്ത തകര്ച്ചയില് നിന്ന് രക്ഷിച്ചത്.
കേരളത്തിന് വേണ്ടി ശ്രേയസ് ഗോപാല് നാല് വിക്കറ്റ് നേടി. ബേസില് തമ്പി, അഖില് സ്കറിയ എന്നിവര് രണ്ട് വിക്കറ്റ് വീതം നേടി. ഒഡീഷയ്ക്ക് വേണ്ടി 92 റണ്സെടുത്ത ഷാന്തനു മിശ്ര മാത്രമാണ് തിളങ്ങിയത്. ക്യാപ്റ്റന് ബിപ്ലബ് സാമന്തറായ് (34), അഭിഷേഖ് യാദവ് (21), പ്രയാഷ് കുമാര് സിംഗ് (20), സുബ്രാന്ഷു സേനാപതി (16) എന്നിവരാണ് രണ്ടക്കം കണ്ട മറ്റു ബാറ്റര്മാര്.
നിലവിലെ ചാമ്പ്യന്മാരായ സൗരാഷ്ട്രയെ ആദ്യ കളിയില് തകര്ത്ത കേരളം രണ്ടാമത്തെ മത്സരത്തില് മുംബൈയോട് തോറ്റ ശേഷമാണ് ഇപ്പോഴത്തെ വിജയം.
