കൊച്ചി : നവകേരള സദസിനായി സ്‌കൂള്‍ മതിലും കൊടിമരവും പൊളിച്ച് നീക്കണമെന്ന് ആവശ്യം. പെരുമ്പാവൂര്‍ ഗവ ബോയ്സ് സ്‌കൂളിനാണ് സ്വാഗത സംഘം ചെയര്‍മാന്‍ നിര്‍ദേശം നല്‍കിയത് .
പരാതിക്കാര്‍ക്ക് എത്താനായാണ് മതിലും കൊടിമരവും പഴയ സ്റ്റേജും പൊളിച്ചു നീക്കണമെന്ന് ആവശ്യപ്പെട്ടിട്ടുളളത്.നവകേരള ബസിന് സ്‌കൂളിനുള്ളില്‍ പ്രവേശിക്കാനും സൗകര്യമൊരുക്കും.
പരിപാടിക്ക് ശേഷം മതിലും കൊടിമരവും പുനര്‍നിര്‍മിക്കാമെന്നും വാഗ്ദാനമുണ്ട്. ഇത് സംബന്ധിച്ച് നവ കേരള സദസ് സംഘാടക സമിതി ചെയര്‍മാന്‍ ബാബു ജോസഫ് നഗരസഭാ സെക്രട്ടറിക്ക് കത്ത് നല്‍കി.
പറവൂരിലും സ്‌കൂള്‍ മതില്‍ പൊളിക്കാന്‍ നീക്കമുണ്ട്. നോര്‍ത്ത് പറവൂര്‍ നഗരസഭ ചെയര്‍പേഴ്‌സണ്‍ തഹസീല്‍ദാര്‍ക്ക് കത്ത് നല്‍കി. സ്‌കൂള്‍ മതില്‍ പൊളിക്കരുതെന്ന് ആവശ്യപ്പെട്ടാണ് കത്ത്.
പ്രതികരിക്കാൻ ഇവിടെ എഴുതുക: