ഗുവഹത്തി: ഇന്ത്യ -ഓസ്ട്രേലിയ ട്വന്റി 20 പരമ്പരയിലെ മൂന്നാം മത്സരം ചൊവ്വാഴ്ച അസമിലെ ഗുവാഹത്തിയില്‍. ബര്‍സപാര ക്രിക്കറ്റ് സ്റ്റേഡിയത്തില്‍ ഓസ്ട്രേലിയ്‌ക്കെതിരെ വിജയിച്ചാല്‍ അഞ്ച് മത്സരങ്ങളുള്ള പരമ്പര ഇന്ത്യക്ക് സ്വന്തമാകും.
വ്യാഴാഴ്ച (നവംബര്‍ 23) വിശാഖപട്ടണത്തെ ഡോ വൈ എസ് രാജശേഖര റെഡ്ഡി ക്രിക്കറ്റ് സ്റ്റേഡിയത്തില്‍ നടന്ന പരമ്പര ഉദ്ഘാടന മത്സരത്തില്‍ സൂര്യകുമാര്‍ യാദവിന്റെ നേതൃത്വത്തിലുള്ള ഇന്ത്യന്‍ ടീം മാത്യു വെയ്ഡിന്റെ നേതൃത്വത്തിലുള്ള ഓസ്ട്രേലിയന്‍ ടീമിനെതിരെ 2 വിക്കറ്റ് വിജയം നേടി.
ഞായറാഴ്ച തിരുവനന്തപുരത്തെ ഗ്രീന്‍ഫീല്‍ഡ് ഇന്റര്‍നാഷണല്‍ സ്റ്റേഡിയത്തില്‍ നടന്ന രണ്ടാം മത്സരത്തില്‍, ഓസ്ട്രേലിയ 44 റണ്‍സിന് തോറ്റു. 236 റണ്‍സ് വിജയലക്ഷ്യം പിന്തുടര്‍ന്ന ഓസ്‌ട്രേലിയയ്‌ക്ക് ഒമ്പത് വിക്കറ്റ് നഷ്ടത്തില്‍ 191 റണ്‍സ് നേടാനേ കഴിഞ്ഞുളളൂ.
ഗുവാഹത്തിയിലെ വേദിയില്‍ ഇതുവരെ മൂന്ന് ടി20 മത്സരങ്ങളും രണ്ട് ഏകദിന മത്സരങ്ങളും നടന്നിട്ടുണ്ട്. ഒരു തവണ ജയിക്കുകയും ഒരു തവണ തോല്‍ക്കുകയും ചെയ്തപ്പോള്‍ ഫലമുണ്ടായില്ല.
പ്രതികരിക്കാൻ ഇവിടെ എഴുതുക: