പാലക്കാട്: കുമരനെല്ലൂരില് സ്‌കൂൾ വിദ്യാർത്ഥികൾ തമ്മിൽ തമ്മിലടി. കുമരനെല്ലൂർ ഗവൺമെന്റ് ഹയർസെക്കൻഡറി സ്‌കൂളിലെ വിദ്യാർത്ഥികളാണ് ടൗണിൽ തമ്മിൽ തല്ലിയത്. ഇന്നലെ വൈകിട്ടോടെയായിരുന്നു സംഭവം.
എട്ടാം ക്ലാസിന്റെ വരാന്തയിലൂടെ ഒമ്പതാം ക്ലാസ് വിദ്യാർത്ഥികൾ നടന്നു പോയതാണ് ഏറ്റുമുട്ടലിന് കാരണമായത്. ഇതുമായി ബന്ധപ്പെട്ടുണ്ടായ വാക്കുതർക്കമാണ് ഒടുവിൽ സംഘർഷത്തിൽ കലാശിച്ചത്. കുമരനെല്ലൂർ സെന്ററിലെ കടയ്‌ക്ക് മുന്നിൽ നിന്നാണ് തർക്കത്തിന്റെ തുടക്കം. കടയുടെ പുറത്ത് വിൽക്കാനുളള സാധനങ്ങൾ വെച്ചിരുന്നു. ഈ സാധനങ്ങളടക്കമെടുത്താണ് കുട്ടികൾ തമ്മിലടിച്ചത്. വ്യാപാര സ്ഥാപനത്തിലെ സാധനങ്ങൾക്ക് നശിപ്പിക്കപ്പെട്ടതായാണ് വിവരം.
പ്രതികരിക്കാൻ ഇവിടെ എഴുതുക: