കോഴിക്കോട്: കോടതി ഉത്തരവ് ലംഘിച്ച് റോബിൻ ബസ് എംവിഡി പിടിച്ചെടുത്തതിൽ ന്യായീകരണവുമായി ഗതാഗതമന്ത്രി ആന്റണി രാജു. റോബിൻ ബസ് സർക്കാരിനെ വെല്ലുവിളിക്കുകയാണെന്ന് മന്ത്രി കുറ്റപ്പെടുത്തി. ബസ് പിടിച്ചെടുത്തത് നിയമ നടപടിയുടെ ഭാഗമാണെന്നും നിയമം നിയമത്തിന്റെ വഴിക്ക് പോകുമെന്നും മന്ത്രി പറഞ്ഞു.
റോബിൻ ബസ് കോടതി ഉത്തരവ് ദുർവ്യാഖ്യാനം ചെയ്താണ് നിരത്തിലിറങ്ങുന്നത്. മോട്ടോർ വാഹനം വകുപ്പ് നിയമങ്ങൾ തുടർച്ചയായി ലംഘിക്കുന്നു. ഇതിനെതിരെ ശക്തമായ നടപടികൾ ഉണ്ടാകുമെന്നും മന്ത്രി വ്യക്തമാക്കി. ഇന്ന് പുലർച്ചെ രണ്ട് മണിയോടെ പെർമിറ്റ് ലംഘനം നടത്തുന്നെന്ന് ചൂണ്ടികാണിച്ചാണ് റോബിനെ എംവിഡി പിടിച്ചെടുത്തത്. തുടർന്ന് ബസ് പത്തനംതിട്ട എആർ ക്യാമ്പിലേക്ക് മാറ്റുകയായിരുന്നു.
വാഹനത്തിന് എതിരെ മോട്ടോർ വാഹനവകുപ്പ് കേസെടുമെടുത്തിട്ടുണ്ട്. ഹൈക്കോടതി ഉത്തരവ് തുടർച്ചയായി ലംഘിക്കും വിധം പെർമിറ്റ് ലംഘനം നടത്തുന്നുവെന്ന് കാട്ടിയാണ് ബസ് പിടിച്ചെടുത്തത്. വൻ പൊലീസ് സന്നാഹത്തോടെയാണ് എംവിഡി ബസ് കസ്റ്റഡിയിലെടുത്തത്.
പ്രതികരിക്കാൻ ഇവിടെ എഴുതുക: