കോഴിക്കോട്: മുഖ്യമന്ത്രി പിണറായി വിജയനും മറ്റ് മന്ത്രിമാരും പങ്കെടുക്കുന്ന നവകേരള സദസ്സിന് മാവോയിസ്റ്റ് ഭീഷണി. വയനാട് ദളത്തിന്റെ പേരില് കോഴിക്കോട് ജില്ലാ കളക്ടര്ക്കാണ് ഭീഷണിക്കത്ത് ലഭിച്ചിരിക്കുന്നത്.
നക്സലുകളെ കൊന്നൊടുക്കുന്ന പിണറായി സര്ക്കാരിനെ പാഠം പഠിപ്പിക്കും. എന്നായിരുന്നു കത്തില് ഭീഷണിപ്പെടുത്തിയിരുന്നത്. ഭീഷണിക്ക് പിന്നാലെ മുഖ്യമന്ത്രിക്കും മന്ത്രിമാര്ക്കുമുള്ള സുരക്ഷ കര്ശ്ശനമാക്കിയിട്ടുണ്ട്. കോഴിക്കോടത്തെ നവകേരള സദസ്സിന്റെ വേദിയിലും സുരക്ഷ കടുപ്പിച്ചിട്ടുണ്ട്.
സംഭവത്തില് പോലീസ് അന്വേഷണം ആരംഭിച്ചിട്ടുണ്ട്. കളക്ടര് കത്ത് പോലീസിന് കൈമാറി. വയനാട്ടില് നേരത്തെ ഇറങ്ങിയ ഭീഷണി കത്തില് നിന്നും കയ്യക്ഷരം വ്യത്യാസമുണ്ടെന്ന് പോലീസ് പറയുന്നു.
വയനാട് ജില്ലയിലെ പര്യടനം പൂര്ത്തിയാക്കി നവകേരള സദസ് വെള്ളിയാഴ്ച മുതല് മൂന്ന് ദിവസത്തേയ്ക്ക് കോഴിക്കോട് ജില്ലയിലാണ് നടക്കുന്നത്. ഇന്ന് രാവിലെ വടകരയില് നടക്കുന്ന പ്രഭാതയോഗത്തില് വടകര, നാദാപുരം, കുറ്റ്യാടി, പേരാമ്പ്ര മണ്ഡലങ്ങളില് നിന്നുള്ള ക്ഷണിക്കപ്പെട്ട അതിഥികളുമായി മുഖ്യമന്ത്രി പിണറായി വിജയന് കൂടിക്കാഴ്ച നടത്തും. വടകര നാരായണ നഗര് ഗ്രൗണ്ടിലെ വേദിയില് മുഖ്യമന്ത്രിയുടെ വാര്ത്താസമ്മേളനവും വിളിച്ചു ചേര്ത്തിട്ടുണ്ട്.
11 മണിക്ക് കല്ലാച്ചി മാരാംവീട്ടില് ഗ്രൗണ്ടിലും വൈകീട്ട് മൂന്ന് മണിക്ക് പേരാമ്പ്ര മണ്ഡല സദസ്സ് പേരാമ്പ്ര ഹയര് സെക്കന്ഡറി സ്കൂള് ഗ്രൗണ്ടിലും നടക്കും. കുറ്റ്യാടി മണ്ഡലത്തിലെ നവകേരള സദസ് വൈകുന്നേരം 4.30ന് മേമുണ്ട ഹയര് സെക്കണ്ടറി സ്കൂള് ഗ്രൗണ്ടിലും വടകര മണ്ഡലത്തിലേത് നാരായണ നഗര് ഗ്രൗണ്ടിലുമാണ് നടക്കുക.
