വിശാഖപട്ടണം: ഓസ്ട്രേലിയക്കെതിരായ ഒന്നാം ടി20 മത്സരത്തിന് മുന്നോടിയായി ഇന്ത്യയുടെ താത്കാലിക നായകന്‍ സൂര്യകുമാര്‍ യാദവ് നടത്തിയ വാര്‍ത്താ സമ്മേളനത്തില്‍ പങ്കെടുത്തത് രണ്ട് മാധ്യമപ്രവര്‍ത്തകര്‍ മാത്രം.ക്യാപ്റ്റനെന്ന നിലയില്‍ സൂര്യകുമാറിന്റെ ആദ്യ പത്രസമ്മേളനമായിരുന്നു ഇത്.
വാര്‍ത്താ ഏജന്‍സികളായ പിടിഐയുടെയും എഎന്‍ഐയുടെയും പ്രതിനിധികള്‍ മാത്രമാണ് വാര്‍ത്താസമ്മേളനത്തിനെത്തിയത്.പുഞ്ചിരിച്ചുകൊണ്ട് ”നിങ്ങള്‍ രണ്ടുപേരും മാത്രമാണോ?” എന്ന് ചോദിച്ചാണ് സൂര്യകുമാര്‍ പത്രസമ്മേളനം ആരംഭിച്ചത്.
ഈ സാഹചര്യത്തില്‍ നാല് മിനിറ്റ് മാത്രമായിരുന്നു പത്രസമ്മേളനം നീണ്ടുനിന്നത്. ഉച്ചയ്‌ക്ക് ശേഷം നടത്താനിരുന്ന ഓസ്ട്രേലിയന്‍ ക്യാപ്റ്റന്‍ മാത്യു വെയ്ഡിന്റെ വാര്‍ത്താസമ്മേളനം റദ്ദാക്കി.
പ്രതികരിക്കാൻ ഇവിടെ എഴുതുക: