ചാലക്കുടി: പരിയാരം വനിത സര്‍വ്വീസ് സഹകരണ ബാങ്കില്‍ വ്യാജ രേഖകള്‍ ചമച്ച് ലക്ഷങ്ങളുടെ സാമ്പത്തിക തട്ടിപ്പ് നടത്തിയാതി പരാതി.കോണ്‍ഗ്രസ് ഭരിക്കുന്ന ബാങ്കില്‍ മഹിള കോണ്‍ഗ്രസ് നേതാവ് ത്രേസ്യാമ്മ ജോസ് ചക്കാലമറ്റത്തിന്റെ നേതൃത്വത്തിലാണ് തട്ടിപ്പ് നടത്തിയിരിക്കുന്നതായി പറയുന്നത്.
ഏകദേശം അന്‍പത് ലക്ഷത്തോളം രൂപയുടെ തട്ടിപ്പ് നടന്നതായും സൂചനയുണ്ട്. പരിയാരം പഞ്ചായത്തിലെ തവളപ്പാറ പ്രദേശത്തെ വനിതകളുടെ നേതൃത്വത്തില്‍ ഗണം രൂപീകരിക്കുവാന്‍ എഡിഎസ് പ്രസിഡന്റ് കൂടിയായ ത്രേസ്യാമ്മ ജോസിന്റെ കയ്യില്‍ ആധാര്‍ കാര്‍ഡിന്റെ കോപ്പി കൊടുത്തിരുന്നു. സാങ്കേതിക കാരണങ്ങള്‍ ഗണം രൂപീകരിക്കാന്‍ സാധിച്ചില്ലെങ്കിലും ആധാര്‍ കാര്‍ഡിന്റെ കോപ്പി തിരിച്ചു നല്‍കിയിരുന്നില്ലെന്നും പറയുന്നു.
ഈ കാര്‍ഡിന്റെ കോപ്പി ഉപയോഗിച്ചാണ് 20 ഓളം സ്ത്രീകളെ മൂന്ന് പേരടങ്ങുന്ന ഗ്രൂപ്പാക്കി തിരിച്ചു കൊണ്ട് വ്യാജ രേഖ ചമച്ച് ലക്ഷങ്ങള്‍ തട്ടിയതെന്ന് പോലീസില്‍ നല്‍കിയ പരാതിയില്‍ പറയുന്നു.
പ്രതികരിക്കാൻ ഇവിടെ എഴുതുക: