ലക്ഷ്യ സെന്‍, ശ്രീകാന്ത് പുറത്ത്

ഷെന്‍സെന്‍: ചൈന മാസ്‌റ്റേഴ്‌സ് 2023 ബാഡ്മിന്റണ്‍ ചാമ്പ്യന്‍ഷിപ്പില്‍ നിന്ന് ഭാരത താരങ്ങളായ ലക്ഷ്യ സെന്‍, കിഡംബി ശ്രീകാന്ത്, പ്രിയാന്‍ഷു രജാവത് എന്നിവര്‍ ആദ്യ റൗണ്ടില്‍ പുറത്തായി.

ഏഴാം നമ്പര്‍ ചൈനയുടെ ഷി യുഖിയോട് നേരിട്ടുള്ള ഗെയിമുകള്‍ക്കാണ് ലക്ഷ്യ സെന്‍ പരാജയപ്പെട്ടത്. സ്‌കോര്‍: 21-1ഠ, 21-18. 59 മിനിറ്റ് നീണ്ട വാശിയേറിയ പോരാട്ടത്തിനൊടുവിലാണ് ലക്ഷ്യ കീഴടങ്ങിയത്.

നാലാം സീഡ് തായ്‌ലന്റ് താരം കുന്‍ലാവട്ട് വിറ്റിദ്‌സരനോട് മൂന്ന് ഗെയിം നീണ്ട പോരാട്ടത്തിനൊടുവിലാണ് ശ്രീകാന്ത് പരാജയപ്പെട്ടത്. സ്‌കോര്‍: 15-21, 21-14, 13-21.

ജപ്പാന്റെ കെന്റ നിഷിമോട്ടോയോടാണ് പ്രിയാന്‍ഷു രജാവത്ത് നേരിട്ടുള്ള ഗെയിമുകള്‍ക്ക് പരാജയപ്പെട്ടത്. സ്‌കോര്‍: 21-17, 21-14.

വനിതാ ഡബിള്‍സില്‍ റുതുപര്‍ണ-ശ്വേതപര്‍ണ പാണ്ഡെ സഖ്യവും ആദ്യ റൗണ്ടില്‍ പരാജയപ്പെട്ടു. ചൈനീസ് സഖ്യത്തോടാണ് ഭാരത സഖ്യം 21-15, 21-9 എന്ന നേരിട്ടുള്ള ഗെയിമുകള്‍ക്ക് പരാജയപ്പെട്ടത്.