മലപ്പുറം: പാര്ട്ടി വിലക്ക് ലംഘിച്ച് മലപ്പുറത്ത് പാലസ്തീന് ഐക്യദാര്ഡ്യ റാലി സംഘടിപ്പിച്ച ആര്യാടന് ഷൗക്കത്ത് ,നാളെ കോണ്ഗ്രസിന്റെ പലസ്തീന് ഐക്യദാര്ഢ്യ റാലിയില് വരേണ്ടതില്ലെന്ന് പാര്ട്ടി നിര്ദ്ദേശം നല്കി. അച്ചടക്ക സമിതി ശുപാര്ശയില് തീരുമാനം വരാത്തതിനാലാണ് നിര്ദ്ദേശം. നേരത്തെ, മലപ്പുറത്ത് റാലി നടത്തിയതിന് ഷൗക്കത്തിനെ പാര്ട്ടി പരിപാടികളില് നിന്ന് മാറ്റി നിര്ത്തിയിരുന്നു.
ആര്യാടന് ഷൗക്കത്തിനെതിരായ അച്ചടക്ക നടപടി കോണ്ഗ്രസ് മയപ്പെടുത്തുമെന്ന് സൂചനയുണ്ടായിരുന്നു. തിരുവഞ്ചൂര് രാധാകൃഷ്ണന് അധ്യക്ഷനായ അച്ചടക്കസമിതി സമര്പ്പിച്ച റിപ്പോര്ട്ടില് താക്കീത് മതിയെന്നാണ് ശുപാര്ശ.
അതേസമയം ഷൗക്കത്തിനെതിരെ കെപിസിസി നടപടി സ്വീകരിച്ചില്ലെങ്കില്, മലപ്പുറത്തെ ഔദ്യോഗിക പക്ഷം കടുത്ത നിലപാടിലേക്ക് പോകുമെന്നാണ് സൂചന. എന്നാല്, 23 ന് നടക്കുന്ന പാലസ്തീന് ഐക്യദാര്ഢ്യ പരിപാടി കഴിയാനാണ് കാത്തിരിക്കുന്നതെന്നും അണിയറ വര്ത്തമാനമുണ്ട്. ചെറിയ തരത്തിലുള്ള നടപടി പോലും കോഴിക്കോട് നടക്കുന്ന റാലിയെ ബാധിക്കുമെന്ന ആശങ്ക പാര്ട്ടിക്കുണ്ട്.
