കണ്ണൂര്‍ : നവകേരള സദസിനായി മുഖ്യമന്ത്രിയും മന്ത്രിമാരും യാത്ര ചെയ്ത ബസിന് നേര്‍ക്ക് പഴയങ്ങാടിയില്‍ കരിങ്കൊടി കാട്ടിയ യൂത്ത് കോണ്‍ഗ്രസ് പ്രവര്‍ത്തകരെ തല്ലിച്ചതച്ച നാല് ഡി വൈ എഫ് ഐ പ്രവര്‍ത്തകര്‍ അറസ്റ്റില്‍. അമല്‍ ബാബു, ജിതിന്‍, അനുവിന്ദ്, റമീസ് എന്നിവരാണ് അറസ്റ്റിലായത്. നേരത്തേ ജാമ്യമില്ലാ വകുപ്പ് ചുമത്തി പ്രവര്‍ത്തകര്‍ക്കിതിരെ കേസ് എടുത്തിരുന്നു.
നാല് ഡി വൈ എഫ് ഐ പ്രവര്‍ത്തകരും പഴയങ്ങാടി സ്റ്റേഷനിലെത്തി കീഴടങ്ങിയതിനെ തുടര്‍ന്ന് ഇവരെ കോടതിയയില്‍ ഹാജരാക്കി റിമാന്റ് ചെയ്തു. എന്നാല്‍ ഡി വൈ എഫ് ഐ പ്രവര്‍ത്തകര്‍ ജീവന്‍രക്ഷാ പ്രവര്‍ത്തനമാണ് നടത്തിയത് എന്നായിരുന്നു മുഖ്യമന്ത്രിയുടെ വാദം. യൂത്ത് കോണ്‍ഗ്രസുകാര്‍ ബസിന് മുന്നില്‍ പെടാതെ നോക്കുകയാണ് ഡി വൈ എഫ് ചെയ്തത്.
മര്‍ദ്ദനമേറ്റ വനിതയുള്‍പ്പെടെയുളള യൂത്ത് കോണ്‍ഗ്രസുകാര്‍ക്ക് ഗുരുതര പരിക്കേറ്റിരുന്നു. എന്നാല്‍ ഇത് രക്ഷാപ്രവര്‍ത്തനമാണെന്ന് പറഞ്ഞ മുഖ്യമന്ത്രി ക്രിമിനലാണെന്ന് പ്രതിപക്ഷ നേതാവ് വി ഡി സതീശന്‍ പറഞ്ഞിരുന്നു.
പ്രതികരിക്കാൻ ഇവിടെ എഴുതുക: