54-ാമത് ഐഎഫ്എഫ്ഐയിൽ പങ്കെടുക്കാൻ ഗോവയിൽ എത്തിയ സൽമാൻ ഖാന്റെ ഒരു വീഡിയോ സോഷ്യൽ മീഡിയയിൽ വൈറലാവുകയാണ്. തന്റെ പഴയ സുഹൃത്തിനോട് നടത്തിയ സ്നേഹ പ്രകടത്തിന്റേതാണ് വീഡിയോ.
അടുത്തിടെ ‘ഫാരി’ എന്ന ചിത്രത്തിലൂടെ ബോളിവുഡിൽ അരങ്ങേറ്റം കുറിച്ച തന്റെ മരുമകൾ അലിസെ അഗ്നിഹോത്രിയ്ക്കൊപ്പം സൽമാൻ മാധ്യമങ്ങളെ കാണുന്നതിനിടെയാണ് ഊഷ്മളമായ രംഗം ഉണ്ടായത്. ഈ സംഭവത്തിന്റെ വീഡിയോ ബോളിവുഡ് പപ്പരാസി പേജുകളിൽ അടക്കം വൈറലായിരിക്കുകയാണ് സൽമാന്റെ മറ്റുള്ളവരോടുള്ള സ്നേഹം വീഡിയോ കാണിക്കുന്നു എന്നാണ് ആരാധകർ ഈ വീഡിയോയിൽ കമൻറ് ചെയ്യുന്നത്.
വീഡിയോയിൽ, സൽമാൻ സുഹൃത്തായ മുതിർന്ന മാധ്യമപ്രവർത്തകയെ ചുംബിക്കുന്നത് കാണാം. സുഖം തന്നെയല്ലെ എന്ന് ചോദിച്ചാണ് മാധ്യമ പ്രവർത്തകയെ ചുംബിക്കുന്നത്. ‘ചുമ്മാ നാടകം കളിക്കരുത്’ എന്നാണ് തമാശയായി ചുംബനം സ്വീകരിച്ച് മാധ്യമപ്രവർത്തക പറയുന്നത്. സൽമാൻ ഖാനും മുതിർന്ന മാധ്യമപ്രവർത്തകയും തമ്മിലുള്ള സൗഹൃദം ദീർഘകാലത്തെ ബന്ധത്തെ സൂചിപ്പിക്കുന്നതാണ് ഇരുവരുടെയും തമാശ നിറഞ്ഞ വീഡിയോ.
