തിരുവനന്തപുരം: കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തില്‍ ഞായറാഴ്ച നടക്കുന്ന ഭാരത-ഓസ്‌ട്രേലിയ ട്വന്റി20 മത്സരത്തിനായുള്ള ടിക്കറ്റ് വില്പന ആരംഭിച്ചു. പേടിഎം ഇന്‍സൈഡറില്‍ ബുക്ക് ചെയ്യാം. വില്പനയുടെ ഉദ്ഘാടനം ചലച്ചിത്രനടിയും ട്വന്റി20 ബ്രാന്‍ഡ് അംബാസഡറുമായ കീര്‍ത്തി സുരേഷ് നിര്‍വഹിച്ചു.
750(ടെരസ്), 2000(പവലിയന്‍), 5000(എക്‌സിക്യൂട്ടീവ് പവലിയന്‍), 10,000(റോയല്‍ പവലിയന്‍) എന്നിങ്ങനെയാണ് നിരക്കുകള്‍. വിദ്യാര്‍ത്ഥികള്‍ക്ക് 375 രൂപയ്‌ക്ക് ടിക്കറ്റ് ലഭ്യമാകും. ചടങ്ങില്‍ ഭാരത ക്രിക്കറ്റ് താരം മിന്നു മണിയെ ആദരിച്ചു.
ഹയാത്ത് റീജന്‍സിയില്‍ നടന്ന പരിപാടിയില്‍ എംഎല്‍എ കടകംപള്ളി സുരേന്ദ്രന്‍, കെസിഎ പ്രസിഡന്റ് ജയേഷ് ജോര്‍ജ്, സെക്രട്ടറി വിനോദ് എസ്.കുമാര്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: