കൊച്ചി: കെ.ജെ. യേശുദാസിന്റെ ശതാഭിഷേകത്തോടനുബന്ധിച്ച് ഗായിക വൈക്കം വിജയലക്ഷ്മിയുടെ നേതൃത്വത്തില്‍ അദ്ദേഹത്തിന്റെ ഗാനങ്ങള്‍ കോര്‍ത്തിണക്കിയ സംഗീതാര്‍ച്ചന സംസ്ഥാനമൊട്ടാകെ നടത്തുന്നു. അദ്ദേഹത്തിന് 84 വയസ് തികയുന്ന ജനുവരി 10ന് ചാലക്കുടി ടൗണ്‍ ഹാളില്‍ തുടക്കമാകും.
ചിറ്റൂര്‍ പാട്ടുഗ്രാമത്തിലെ 101 പിന്നണി ഗായകരും വൈക്കം വിജയലക്ഷ്മിക്കൊപ്പം അണിനിരക്കും. ദേശഭക്തിഗാന നൃത്താവിഷ്‌കാരവും ഇതിന്റെ ഭാഗമായി നടക്കും. തിരുവനന്തപുരത്ത് 2025ല്‍ നടക്കുന്ന സമാപനപരിപാടിയില്‍ സംഗീത സംസ്‌കാരിക രംഗത്തെ പ്രമുഖര്‍ പങ്കെടുക്കുമെന്ന് വിജയലക്ഷ്മി പറഞ്ഞു.
വാര്‍ത്താ സമ്മേളനത്തില്‍ സംഗീത സംവിധായകന്‍ ആചാര്യ ആനന്ദ് കൃഷ്ണന്‍, ചിറ്റൂര്‍ പാട്ട് ഗ്രാമം കോ ഓര്‍ഡിനേറ്റര്‍ സത്യഭാമ തത്തമംഗലം, സി.സി. സോമന്‍, ഇ.ടി. ജലജന്‍ എന്നിവരും പങ്കെടുത്തു.
പ്രതികരിക്കാൻ ഇവിടെ എഴുതുക: