”തൃഷക്കൊപ്പം കിടപ്പറ രംഗം കിട്ടിയില്ല മഡോണയെ എങ്കിലും കിട്ടുമെന്ന് പ്രതീക്ഷിച്ചു’; വീണ്ടും സ്ത്രീ വിരുദ്ധ പരാമർശവുമായി മൻസൂർ അലിഖാൻ (വീഡിയോ )

നടി തൃഷയെ കുറിച്ച് മൻസൂർ അലി ഖാൻ നടത്തിയ വസ്ത്രീ വിരുദ്ധ പരാമർശങ്ങൾ ചർച്ചയാകുകയാണ്. അതിനൊപ്പം തന്നെ നടി മഡോണ സെബാസ്റ്റ്യനെ കുറിച്ച് ലിയോ സിനിമയുടെ സക്സസ് മീറ്റിൽ മൻസൂർ പറഞ്ഞ വാക്കുകളും സോഷ്യൽ മീഡിയയിൽ വീണ്ടും ചർച്ചയായി മാറുകയാണ്.

സിനിമയിൽ അഭിനയിച്ച തൃഷ, അർജുൻ, മഡോണ സെബാസ്റ്റ്യൻ എന്നിവരെക്കുറിച്ച് വേദിയിൽ സംസാരിക്കുകയായിരുന്നു മൻസൂർ അലിഖാൻ. ആക്ഷൻ രംഗങ്ങളിലെ നടൻ അർജുന്റെ കഴിവിനെക്കുറിച്ച് പുകഴ്‌ത്തി പറഞ്ഞ മൻസൂർ അലി ഖാൻ തൃഷയേയും മഡോണയേയും കുറിച്ച് പറഞ്ഞ വാക്കുകളിൽ സ്ത്രീവിരുദ്ധത ഉണ്ടെന്ന ആരോപണമാണ് ഉയർന്നു വരുന്നത്.

ആക്ഷൻ കിങ് അർജുനോടൊപ്പം ഫൈറ്റ് സീൻ ഉണ്ടാകുമെന്ന് കരുതിയെങ്കിലും അത് കിട്ടിയില്ല. അങ്ങനെയുള്ള സീനുകൾ ലിയോയിൽ ഇല്ല. കുറേ സിനിമകൾ അദ്ദേഹത്തോടൊപ്പം അഭിനയിച്ചിട്ടുണ്ട്. അദ്ദേഹത്തിനൊപ്പം ആക്ഷൻ ചെയ്താൽ എട്ടു പത്ത് ദിവസം പിന്നെ ശരീരം വേദനയായിരിക്കും. പിന്നെ തൃഷാ മേഡത്തിന്റെ കൂടെ അഭിനയിക്കാൻ സാധിച്ചില്ല. ലോകേഷ് കനകരാജ് പടം ആയതുകൊണ്ട് മുഴുവൻ അടിയും പിടിയും ഒക്കെയാണ്. തൃഷയെ ഫ്ലൈറ്റിൽ കൊണ്ട് വന്ന് അങ്ങനെ തന്നെ തിരിച്ച് കൊണ്ട് പോയി. അതും കിട്ടിയില്ല. പിന്നെ മഡോണയെ എങ്കിലും കിട്ടുമെന്ന് കരുതി. സെറ്റിലേക്ക് മഡോണ വന്നപ്പോൾ ഒരുപാട് സന്തോഷം തോന്നി. പക്ഷെ അത് പെങ്ങൾ കഥാപാത്രം ആയിരുന്നു’- മൻസൂർ അലി പറഞ്ഞു. മൻസൂർ അലി സംസാരിക്കുമ്പോൾ മുഖഭാവത്തിൽ വ്യത്യാസം വരുന്ന മഡോണയെ വീഡിയോയിൽ കാണാം. മൻസൂറിന്റെ വാക്കുകളിൽ മഡോണ ഒട്ടും കംഫർട്ടബിൾ അല്ല എന്നാണ് പലരും എക്സിലുടെ കമന്റ് ചെയ്യുന്നത്.

തൃഷയുടെ പ്രതികരണത്തിന് ശേഷം സംവിധായകൻ ലോകേഷ് കനകരാജ്, നടി മാളവിക മോഹനൻ, ചിന്മയ തുടങ്ങിയവർ പിന്തുണയുമായി രംഗത്തെത്തിയിരുന്നു. ഏറ്റവും ഒടുവിൽ സൗത്ത് ഇന്ത്യൻ ആർട്ടിസ്റ്റ് സംഘടനയായ നടികർ സംഘവും മൻസൂർ അലി ഖാനെതിരെ രംഗത്തെത്തിയിരുന്നു. ലിയോയിൽ തൃഷയെ ബലാത്സംഗം ചെയ്യുന്ന സീൻ ഇല്ലാത്തതിനാൽ താൻ നിരാശനായെന്നാണ് മൻസൂർ അലി ഖാന്റെ വിവാദ പരാമർശം. ‘എനിക്ക് വലിയ ആഗ്രഹമായിരുന്നു, ഉറപ്പായും തൃഷയുടെ ഒപ്പം ബെഡ് റൂം സീൻ കാണും എന്ന് പ്രതീക്ഷിച്ചു. ഖുശ്ബുവിനെയും റോജയെയും കട്ടിലിലേക്ക് എടുത്തിട്ടതുപോലെ തൃഷയേയും ഇടാമെന്ന് കരുതി. 150 സിനിമകളിൽ ചെയ്യാത്ത ബലാത്സംഗ സീനൊന്നുമല്ലല്ലോ’ എന്നാണ് മൻസൂർ അലി ഖാൻ പറഞ്ഞത്. ഈ പരാമർശത്തിൽ ആഞ്ഞടിച്ച് തൃഷയും രംഗത്തെത്തി.
ഇനി ഒരിക്കലും ഇത്ര വൃത്തികെട്ട വർത്തമാനം പറഞ്ഞ മൻസൂർ അലിഖാന്റെ ഒപ്പം അഭിനയിക്കില്ല എന്നാണ് തൃഷ പറഞ്ഞത്. തനിക്കെതിരായുള്ള മൻസൂറിന്റെ വാക്കുകളെ ശക്തമായ രീതിയിൽ അപലപിക്കുന്നുവെന്നും നടൻ മനുഷ്യരാശിക്ക് തന്നെ അപമാനമാണെന്നും തൃഷ പറഞ്ഞു. സോഷ്യൽ മീഡിയ പ്ലാറ്റ്‌ഫോമായ എക്‌സിലൂടെയാണ് താരം പ്രതികരിച്ചത്.

തൃഷയുടെ വാക്കുകൾ ഇങ്ങനെ ‘ മൻസൂർ അലി ഖാൻ എന്നെക്കുറിച്ച് നീചവും വെറുപ്പുളവാക്കുന്നതുമായ രീതിയിൽ സംസാരിച്ച ഒരു വീഡിയോ അടുത്തിടെ കാണാൻ ഇടയായി. ഞാൻ അതിൽ ശക്തമായി അപലപിക്കുകയാണ്. ലൈംഗികത, അനാദരവ്, സ്ത്രീവിരുദ്ധത, വെറുപ്പുളവാക്കുന്ന, മോശം അഭിരുചിയുള്ള ഒരാളുടെ പ്രസ്താവനയാണത്. ഇയാൾക്കൊപ്പം ഒരിക്കലും സ്‌ക്രീൻ സ്പേസ് പങ്കിടാത്തതിൽ ഞാൻ ഇപ്പോൾ സന്തോഷവതിയാണ്, എന്റെ സിനിമാ ജീവിതത്തിന്റെ ബാക്കി ഭാഗങ്ങളിലും അതൊരിക്കലും സംഭവിക്കില്ലെന്ന് ഞാൻ ഉറപ്പുവരുത്തും. അയാളെ പോലുള്ളവർ മനുഷ്യരാശിക്ക് തന്നെ അപമാനമാണ്’ എന്നാണ് തൃഷ പറഞ്ഞത്.

That look of @MadonnaSebast14 says it all when #MansoorAliKhan said

"Madonna papa vaachum kidaikuma nu paathen"

Disgusting pic.twitter.com/guH4cDZFyH

— Trollywood 𝕏 (@TrollywoodX) November 18, 2023